സ്ത്രീകളുടെ ആരോഗ്യവും സുരക്ഷയും പ്രദാനം ചെയ്യാനുതകുന്നതും പരിസ്ഥിതി സൗഹൃദമായതുമായ മെന്‍സ്ട്രല്‍ കപ്പുകള്‍ ഒരു 'ഗെയിം 'ചെയിഞ്ചര്‍'; തിങ്കള്‍' ആര്‍ത്തവ കപ്പിന്റെ വിതരണവും ബോധവല്‍കരണ പരിപാടിയും ഉദ്ഘാടനം ചെയ്ത് ആരോഗ്യ മന്ത്രി വീണ ജോര്‍ജ്
സ്ത്രീകളുടെ ആരോഗ്യവും സുരക്ഷയും പ്രദാനം ചെയ്യാനുതകുന്നതും പരിസ്ഥിതി സൗഹൃദമായതുമായ മെന്‍സ്ട്രല്‍ കപ്പുകള്‍ ഒരു 'ഗെയിം ചെയിഞ്ചര്‍ തന്നെയാണ് എന്ന് ആരോഗ്യ-വനിതാ ശിശുക്ഷേമ മന്ത്രി ശ്രീമതി വീണ ജോര്‍ജ് പറഞ്ഞു. 'തിങ്കള്‍' ആര്‍ത്തവ കപ്പിന്റെ വിതരണവും ബോധവല്‍കരണ പരിപാടിയും ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.
കേന്ദ്ര ആരോഗ്യകുടുംബക്ഷേമ മന്ത്രാലയത്തിന്റെ കീഴിലുള്ള പൊതുമേഖല സ്ഥാപനമായ എച്ച്.എല്‍.എല്‍ ലൈഫ്കെയര്‍ ലിമിറ്റഡിന്റെ വിദ്യാഭ്യാസ സാമൂഹിക വികസന വിഭാഗമായ എച്ച്.എല്‍.എല്‍ മാനേജ്മെന്റ് അക്കാദമി (HMA) യുടെ സംരംഭമാണ് 'തിങ്കള്‍' പദ്ധതി.
തിരുവന്തപുരത്തെ തീരപ്രദേശങ്ങളായ വലിയതുറ, ശംഖുമുഖം, വാര്‍ഡുകളിലും കവടിയാര്‍, പേരൂര്‍ക്കട വാര്‍ഡുകളിലും പതിനായിരത്തോളം സ്ത്രീകളെ ഉള്‍പ്പെടുത്തിയാണ് തിങ്കള്‍ പദ്ധതി തുടക്കത്തില്‍ നടപ്പിലാക്കുന്നത്.
അന്താരാഷ്ട്ര നിലവാരത്തിലുള്ള നൂതന പദ്ധതിയാണ് 'തിങ്കള്‍' എന്ന് എം-കപ്പ് ബോധവല്‍ക്കരണ ലഘുലേഖ പ്രകാശനം ചെയ്ത് കൊണ്ട് ബഹു. ഗതാഗത വകുപ്പ് മന്ത്രി ശ്രീ. അഡ്വ. ആന്റണി രാജു പറഞ്ഞു. സ്ഥാപിതമായ കാലം തൊട്ടേ ആരോഗ്യ രംഗത്ത് മാതൃകാപരമായ ചുവട് വയ്പ്പുകളാണ് എച്ച്.എല്‍.എല്‍ നടത്തിവരുന്നത്. ആരോഗ്യ പരിപാലനവും പരിസ്ഥിതി സംരക്ഷണവും ലക്ഷ്യമിട്ട് നടപ്പിലാക്കുന്ന ഈ പദ്ധതി കേരള സ്ത്രീ സമൂഹം ഒറ്റക്കെട്ടായി ഏറ്റെടുക്കും.
സി.എസ്.ആര്‍ ഫണ്ട് എങ്ങനെ ശരിയായി വിനിയോഗിക്കാം എന്നതിന്റെ ഉത്തമ മാതൃകയാണ് എച്ച്.എല്‍.എല്‍ എന്ന് അദ്ദേഹം കൂട്ടിച്ചേര്‍ത്തു. വലിയതുറ, ശംഖുമുഖം, കവടിയാര്‍, പേരൂര്‍ക്കട വാര്‍ഡ് കൗണ്‍സിലര്‍മാര്‍ക്ക് ലഘുലേഖയുടെ ആദ്യ പകര്‍പ്പ് കൈമാറി.
മസ്‌ക്കറ്റ് ഹോലില്‍ നടന്ന ചടങ്ങില്‍ എച്ച്.എല്‍.എല്‍ ചെയര്‍മാനും മാനേജിംഗ് ഡയറക്ടറുമായ ബെജി ജോര്‍ജ് അദ്ധ്യക്ഷത വഹിച്ചു. എല്ലാ കോവിഡ് മാനദണ്ഡങ്ങളും പാലിച്ചുകൊണ്ട് സംഘടിപ്പിച്ച ചടങ്ങില്‍ സ്റ്റേറ്റ് നോഡല്‍ ഓഫീസര്‍ (അഡോളസെന്റ് ഹെല്‍ത്ത്) ഡോ. അമര്‍ ഫെറ്റില്‍ ആശംസ അറിയിച്ചു.
എച്ച്.എല്‍.എല്‍ ടെക്നിക്കല് ആന്‍ഡ് ഓപ്പറേഷന്‍സ് ഡയറക്ടര്‍ ശ്രീ. ഇ.എ.സുബ്രമണ്യന്‍ സ്വാഗതവും, എച്ച്.എം.എ സി.ഇ.ഒ ശ്രീമതി. അനിത തമ്പി നന്ദിയും പ്രകാശിപ്പിച്ചു. 31 മാര്‍ച്ച് 2022നകം തിങ്കള്‍ പദ്ധതി പൂര്‍ത്തീകരിക്കും.
സുരക്ഷിതവും ആരോഗ്യകരവുമായ ആര്‍ത്തവ ശുചിത്വ ഉല്‍പമാണ് തിങ്കള്‍ എംകപ്പ്. കൊച്ചി, ആലപ്പുഴ നഗരസഭകളില്‍ 'തിങ്കള്‍' പദ്ധതി നടപ്പിലാക്കിയിരുന്നു.
എച്ച്.എല്‍.എല്‍ന്റെ ആര്‍ത്തവ കപ്പ് വിതരണവും ബോധവത്കരണ പരിപാടിയുമായ തിങ്കളിന്റെ ഉദ്ഘാടനം മെന്‍സ്ട്രുള്‍ കപ്പ് വിതരണം ചെയ്തുകൊണ്ട് ആരോഗ്യ, വനിതാ ശിശു വികസന മന്ത്രി വീണാ ജോര്‍ജ്ജ്. ബഹുമാനപ്പെട്ട ആരോഗ്യ മന്ത്രി ശ്രീമതി വീണാ ജോര്‍ജ്ജ് നിര്‍വഹിക്കുന്നു.
ഗതാഗത മന്ത്രി ശ്രീ (അഡ്വ) ആന്റണി രാജു, കേരള, എച്ച്.എല്‍.എല്‍ ചെയര്‍മാനും മാനേജിംഗ് ഡയറക്ടറുമായ ശ്രീ.കെ. ബെജി ജോര്‍ജ് IRTS എന്നിവര്‍ സമീപം.
https://www.facebook.com/Malayalivartha
