ദിനംപ്രതി ലഹരി മാഫിയകളെ കുറിച്ച് പുറത്ത് വരുന്ന വാർത്തകൾ ഒന്നും തന്നെ ചെറുതല്ല. കഴിഞ്ഞ ദിവസം തൊ​ടു​പു​ഴ ന​ഗ​ര​സ​ഭ ബ​സ്​ സ്​​റ്റാ​ന്‍​ഡ്​ പ​രി​സ​ര​ത്ത്​ പാ​ര്‍​ക്ക്​ ചെയ്​​തി​രു​ന്ന കാ​റി​ല്‍നി​ന്നും 43 കി​ലോ ക​ഞ്ചാ​വ് പൊ​ലീ​സ്​ പി​ടി​കൂ​ടിയിരുന്നു. ഇപ്പോഴിതാ അതിന് പിന്നാലെയാണ് കോതമംഗലത്ത് കോളജ് ജംക്‌ഷനിലെ സോന ഹോസ്റ്റലില്‍ നടത്തിയ പരിശോധനയിൽ രണ്ടാം നിലയില്‍ 4 പായ്ക്കറ്റുകളില്‍ സൂക്ഷിച്ചിരുന്ന കഞ്ചാവ് പിടികൂടി. വിദ്യാര്‍ഥികളുടെ സഹായം എക്സൈസിന്റെ രഹസ്യ നീക്കങ്ങള്‍ക്കു തുണയായി.

മാലിപ്പാറ വെട്ടിക്കാട്ടില്‍ സുമേഷിനെ (29) 8.273 കിലോഗ്രാം കഞ്ചാവുമായി പിടികൂടി. കൂടെയുണ്ടായിരുന്ന ജോര്‍ഡി, സജി എന്നിവര്‍ ഓടി രക്ഷപ്പെട്ടു . സജി ഒഡീഷയില്‍ നിന്നു വന്‍തോതില്‍ കഞ്ചാവ് എത്തിച്ചു വിതരണം ചെയ്യുന്നതായി വിവരം ലഭിച്ചിട്ടുണ്ടെന്ന് എക്സൈസ് പറഞ്ഞു.

കഴിഞ്ഞ ദിവസം 2 കിലോഗ്രാം കഞ്ചാവുമായി കുട്ടമ്പുഴയില്‍ നിന്നു മൂന്നാര്‍ സ്വദേശി ഫെലിക്സിനെ പിടികൂടിയപ്പോള്‍ ഓടിമറഞ്ഞ കീരംപാറ സ്വദേശിയെക്കുറിച്ചുള്ള അന്വേഷണത്തിലാണു മാഫിയ താവളത്തെപ്പറ്റി വിവരം ലഭിച്ചത്. ഓടിമറഞ്ഞവര്‍ ഷാഡോ സംഘത്തിന്റെ നിരീക്ഷണത്തിലാണ്. സുമേഷിനെ കോടതി റിമാന്‍ഡ് ചെയ്തു.