ഷാഫി മെമ്മോറിയല് അവാര്ഡ് സംവിധായകന് ജിതിന് കെ. ജോസിന്
ഷാഫി മെമ്മോറിയല് പുരസ്കാരം കളങ്കാവല് സംവിധായകന് ജിതിന് കെ ജോസിന്. ഷാഫിയുടെ സ്മരണാര്ത്ഥം ഷാഫി സ്മാരക ട്രസ്റ്റ് ഏര്പ്പെടുത്തിയ പ്രഥമ പുരസ്കാരമാണിത്. സംവിധായകന് സിബി മലയില് ആണ് ചടങ്ങ് ഉദ്ഘാടനം ചെയ്തത്. നടന് ദിലീപ് ആണ് ജിതിന് കെ ജോസിന് അവാര്ഡ് കൈമാറിയത്. അമ്പതിനായിരം രൂപയും പ്രശംസാപത്രവും ശില്പ്പവും അടങ്ങുന്നതാണ് പുരസ്ക്കാരം.
സംവിധായകനും നടനുമായ ലാല്, ഷാഫി അനുസ്മര പ്രഭാഷണം നടത്തി. തിരക്കഥാകൃത്തുകളായ ബെന്നി പി നായരമ്പലം, സിന്ധുരാജ്, നിര്മ്മാതാക്കളായ ഗിരീഷ് വൈക്കം, ബി. രാകേഷ്, എം.രഞ്ജിത്ത്, ക്യാമറാമാന് അഴകപ്പന്, ഷാഫിയുടെ സഹോദരനും സംവിധായകനുമായ റാഫി, പ്രയാഗ മാര്ട്ടിന്, സോഹന് സീനുലാല്, സാദിഖ് എന്നിവവരും ചടങ്ങില് സംസാരിച്ചു.
ഡിസംബര് 5ന് റിലീസ് ചെയ്ത ചിത്രമാണ് കളങ്കാവല്. മമ്മൂട്ടി, വിനായകന് എന്നിവര് കേന്ദ്ര കഥാപാത്രങ്ങളായ ചിത്രത്തില് ജിബിന് ഗോപിനാഥ്, ബിജു പപ്പന്, രെജിഷ വിജയന്, ഗായത്രി അരുണ്, മാളവിക, ശ്രുതി രാമചന്ദ്രന് തുടങ്ങിയവരും പ്രധാന റോളുകളില് എത്തിയിരുന്നു. ദുല്ഖര് സല്മാന് നായകനായെത്തിയ സൂപ്പര്ഹിറ്റ് ചിത്രം 'കുറുപ്പ്'ന്റെ കഥ ഒരുക്കി ശ്രദ്ധ നേടിയ ജിതിന് കെ ജോസ് ആദ്യമായി സംവിധാനം ചെയ്ത ചിത്രം കൂടിയാണ് കളങ്കാവല്.
കുപ്രസിദ്ധമായ സയനൈഡ് മോഹന് കേസിനെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. മമ്മൂട്ടിയുടെ കരിയറിലെ തന്നെ ഏറ്റവും മികച്ച പ്രകടനങ്ങളില് ഒന്ന് സമ്മാനിക്കുന്ന ചിത്രത്തില്, പ്രതിനായകനായി അഭിനയിച്ചു കൊണ്ടാണ് അദ്ദേഹം ഇന്ത്യന് സിനിമയെ തന്നെ ഞെട്ടിച്ചത്. ഗള്ഫില് മമ്മൂട്ടയുടെ കരിയറിലെ മികച്ച വിജയങ്ങളില് ഒന്ന് തന്നെ സ്വന്തമാക്കിയ ചിത്രം, വിദേശത്ത് വിതരണം ചെയ്തത് ട്രൂത് ഗ്ലോബല് ഫിലിംസ് ആണ്.
https://www.facebook.com/Malayalivartha
