കൂടുതല്‍ പൊതുമേഖല സ്ഥാപനങ്ങള്‍ കേന്ദ്ര സര്‍ക്കാര്‍ വില്‍ക്കാനൊരുങ്ങുന്നു. ഇതിന്റെ ഭാഗമായി ഭാരത് പെട്രോളിയം വിറ്റഴിക്കല്‍ വേഗത്തിലാക്കും. ഐഡിബിഐ ബാങ്കും ഹിന്ദുസ്ഥാന്‍ ലാറ്റക്‌സും വില്‍ക്കാനുള്ള നടപടിക്രമങ്ങള്‍ തുടങ്ങിയതായി കേന്ദ്രം.


എന്നാല്‍ എയര്‍ഇന്ത്യ വില്‍പ്പന നിര്‍ണായക ചുവടുവയ്‌പെന്നാണ് കേന്ദ്രം വ്യക്തമാക്കുന്നത്. കടക്കെണിയിലായ എയര്‍ഇന്ത്യയെ ടാറ്റയാണ് സ്വന്തമാക്കിയത്.

18,000 കോടി രൂപ മുടക്കിയാണ് പൊതുമേഖലാ സ്ഥാപനമായ എയര്‍ ഇന്ത്യ ടാറ്റ ഏറ്റെടുത്തത്. എയര്‍ ഇന്ത്യ, ചെലവു കുറഞ്ഞ വിമാനസര്‍വീസായ എയര്‍ ഇന്ത്യ എക്‌സ്പ്രസ് എന്നിവയുടെ 100 ശതമാനം ഓഹരികളും ഗ്രൗണ്ട് ഹാന്‍ഡ്ലിംഗ് വിഭാഗമായ എയര്‍ ഇന്ത്യ സാറ്റ്‌സിന്റെ 50 ശതമാനം ഓഹരികളും ടാറ്റയ്ക്കു ലഭിക്കും.