ബിരുദ വിദ്യാർത്ഥിനിയെ മർദ്ദിച്ച കേസിൽ യുവാവിനെ പോലീസ് അറസ്റ്റ് ചെയ്തു.

അടിച്ചിപ്പുഴ പാരൂർ വിഷ്ണുലാലിനെ (22) ആണ് പെരുനാട് പൊലീസ് അറസ്റ്റ് ചെയ്തത്.

വ്യാഴാഴ്ച വൈകിട്ട് മണ്ണാരക്കുളഞ്ഞിയിൽ നിന്നാണ് യുവതിയെ യുവാവ് ബൈക്കിൽ കയറ്റിയത്.

വടശേരിക്കരയിൽ നിർത്താൻ പറ​ഞ്ഞപ്പോൾ നിർത്തിയില്ലെന്ന് യുവതി പോലീസിനോട് പറഞ്ഞു.

ചൊള്ളനാവയലിലേക്ക് പോകുന്ന റോഡിലാണ് ബൈക്ക് നിർത്തിയത്.

ഇതിനെ ചൊല്ലിയുണ്ടായ വാക്ക് തർക്കത്തിനിടെയാണ് യുവാവ് യുവതിയെ മർദ്ദിച്ചത്.

കോടതിയിൽ ഹാജരാക്കിയ യുവാവിനെ റിമാൻഡ് ചെയ്തു.