കല്ക്കരി ക്ഷാമം രൂക്ഷമായതിനെത്തുടര്ന്ന് രാജ്യത്ത് മൂന്നു സംസ്ഥാനങ്ങള് പവര്കട്ട് പ്രഖ്യാപിച്ചതിനു പിന്നാലെ കേരളവും കടുത്ത വൈദ്യുതി നിയന്ത്രണത്തിലേക്ക്... പ്രതിസന്ധി തരണം ചെയ്യുന്നത് ആലോചിക്കാന് ഇന്ന് ഉന്നതതലയോഗം
കല്ക്കരി ക്ഷാമം രൂക്ഷമായതിനെത്തുടര്ന്ന് രാജ്യത്ത് മൂന്നു സംസ്ഥാനങ്ങള് പവര്കട്ട് പ്രഖ്യാപിച്ചതിനു പിന്നാലെ കേരളവും കടുത്ത വൈദ്യുതി നിയന്ത്രണത്തിലേക്ക്...
കേന്ദ്രത്തില്നിന്നുള്ള വൈദ്യുതി വിഹിതത്തിലെ കുറവ് ഒരാഴ്ച തുടര്ന്നാല് സംസ്ഥാനത്ത് പവര്കട്ട് വേണ്ടിവരുമെന്ന് വൈദ്യുതി മന്ത്രി കേന്ദ്രത്തില് നിന്നും മറ്റുസംസ്ഥാനങ്ങളില് നിന്നും ലഭിക്കുന്ന വൈദ്യുതിയില് 300 മെഗാവാട്ടിന്റെ കുറവാണ് കേരളത്തിലുണ്ടായത്.
പ്രതിസന്ധി തരണം ചെയ്യുന്നത് ആലോചിക്കാന് ഇന്ന് ഉന്നതതലയോഗം വിളിച്ചിട്ടുണ്ട്.രാജ്യത്തെ സ്ഥിതി വിലയിരുത്താന് കേന്ദ്ര ഊര്ജമന്ത്രി ആര്.കെ.സിംഗിന്റെ നേതൃത്വത്തില് ഇന്നലെ അവലോകനയോഗം ചേര്ന്നിരുന്നു. പഞ്ചാബിലും രാജസ്ഥാനിലും യു.പിയിലുമാണ് പവര്കട്ട് പ്രഖ്യാപിച്ചത്.
ഗുജറാത്ത്, ആന്ധ്ര, ഒഡീഷ, തമിഴ്നാട് സംസ്ഥാനങ്ങളിലും സ്ഥിതി രൂക്ഷമാണ്. ജാര്ഖണ്ഡ്, ബീഹാര്, ആന്ധ്ര എന്നിവിടങ്ങളില് അപ്രഖ്യാപിത പവര്കട്ടുണ്ട്.
യു.പിയില് 14 താപവൈദ്യുത നിലയങ്ങള് പൂട്ടി. ഉത്തരേന്ത്യന് സംസ്ഥാനങ്ങളിലെ പ്രധാന വൈദ്യുതി ഉറവിടം കല്ക്കരി താപനിലയങ്ങളാണ്. 135 എണ്ണത്തില് ഏറിയ പങ്കും ഉത്തരേന്ത്യയിലാണ്.ആഗസ്റ്റ് - സെപ്തംബര് മാസങ്ങളിലെ തുടര്ച്ചയായ മഴ കല്ക്കരിഖനികളുടെ പ്രവര്ത്തനത്തെ ബാധിച്ചതാണ് പ്രതിസന്ധിക്ക് പ്രധാന കാരണം.
https://www.facebook.com/Malayalivartha
