ജോലി കഴിഞ്ഞ് വീട്ടിലേക്ക് മടങ്ങവേ ബൈക്കിന് മുകളില്‍ മരം കടപുഴകി വീണ് മാധ്യമ പ്രവര്‍ത്തകന് ദാരുണാന്ത്യം....ഓടികൊണ്ടിരുന്ന ബൈകിന് മുകളിിലേക്ക് മരം വീണാണ് ജന്മഭൂമി അടൂര്‍ ലേഖകന്‍ പിടി രാധാകൃഷ്ണ കുറുപ്പ് മരിച്ചത്.

ഞായറാഴ്ച രാത്രി എട്ടുമണിയോടെ അടൂര്‍ ചെന്നമ്പള്ളി ജംഗ്ഷന്‍ പടിഞ്ഞാറ് വശത്ത് തടിമില്ലിന് സമീപമാണ് അപകടം സംഭവിച്ചത്. റോഡ് അരികിലെ വാകമരം കടപുഴകി ബൈക്കിന് മുകളിലേക്ക് വീഴുകയായിരുന്നു.

ബൈക്കില്‍ നിന്നും തെറിച്ചുവീണ രാധകൃഷ്ണന്റെ തലയിലെ ഹെല്‍മറ്റും അപകടത്തില്‍ തെറിച്ചു പോയിരുന്നു. സംഭവ സമയത്ത് സ്ഥലത്ത് കനത്ത മഴയുണ്ടായിരുന്നു എന്നാണ് റിപോര്‍ട്ടുകള്‍.

തലയ്ക്ക് ഗുരുതരമായ പരിക്ക് പറ്റിയ രാധാകൃഷ്ണനെ അടൂരിലെ ജനറല്‍ ആശുപത്രിയിലും, പിന്നീട് തിരുവല്ലയിലെ സ്വകാര്യ മെഡിക്കല്‍ കോളേജിലും എത്തിച്ചെങ്കിലും ജീവന്‍ രക്ഷിക്കാനായില്ല.