മഹാനവമി ഇന്ന് ....പൂജവയ്പ് മഹോത്സവം തുടങ്ങി... ക്ഷേത്രങ്ങളിലും മഠങ്ങളിലും വീടുകളിലും സരസ്വതിയെ ധ്യാനിച്ച് പുസ്തകങ്ങളും എഴുത്തുപകരണങ്ങളും പൂജവച്ചു, തിന്മയുടെ മേല് നന്മയുടെ വിജയം ആഘോഷിക്കുന്ന വിജയദശമി നാളെ....
മഹാനവമി ഇന്ന് .നവരാത്രി ഉത്സവത്തോടനുബന്ധിച്ച് വിജയ ദശമിയുടെ തലേദിവസമാണ് മഹാ നവമി. ഇത്തവണ ഒക്ടോബര് 14 വ്യാഴാഴ്ചയാണ് മഹാ നവമി ആചരിക്കുന്നത്. രാജ്യമെമ്പാടുമുള്ള ദുര്ഗാ ദേവീ ഭക്തര് ആഘോഷിക്കുന്ന ദിനമാണ് മഹാനവമി. മഹാനവമി ദിവസം പണിയായുധങ്ങളും പുസ്തകങ്ങളും എല്ലാം പൂജയ്ക്ക് വെക്കും.
നവരാത്രി പൂജയിലെ അവസാനത്തെ മൂന്ന് ദിവസങ്ങളാണ് പ്രധാനം. അഷ്ടമി, ദശമി, നവമി.
കേരളത്തിലെ വിവിധ ദേവീക്ഷേത്രങ്ങളില് ഇന്നലെ ദീപാരാധനയും ദുര്ഗാഷ്ടമിപൂജയും കഴിഞ്ഞ് പൂജവയ്പ് മഹോത്സവം തുടങ്ങി. ക്ഷേത്രങ്ങളിലും മഠങ്ങളിലും വീടുകളിലും സരസ്വതിയെ ധ്യാനിച്ച് പുസ്തകങ്ങളും എഴുത്തുപകരണങ്ങളും പൂജവച്ചു.
പീഠത്തില് വെള്ളവസ്ത്രം വിരിച്ച് സരസ്വതീ ദേവിയുടെയോ ശാരദാദേവിയുടെയോ ചിത്രമോ വിഗ്രഹമോ സ്ഥാപിച്ച് നിലവിളക്കില് അഞ്ച് തിരിയിട്ട് തെളിച്ചാണ് പൂജവയ്പുചടങ്ങ് നടത്തിയത്. നാളെ പൂജയെടുക്കുന്നതുവരെ വിളക്ക് അണയാതെ കാക്കണം.
ഇന്നാണ് മഹാനവമി. നവരാത്രി ആഘോഷങ്ങളില് പ്രധാനദിവസം. ആദ്യത്തെ മൂന്നുദിവസങ്ങള് ദുര്ഗയെയും രണ്ടാമത്തെ മൂന്നുദിവസം മഹാലക്ഷ്മിയെയും പ്രീതിപ്പെടുത്തിയിട്ട് സരസ്വതീപൂജ നടത്തി നവരാത്രിക്ക് പൂര്ണതനല്കുന്ന ദിവസമാണ് മഹാനവമി.
അന്ധകാരത്തിന്റെ ശക്തികളോട് ദേവി പൊരുതുന്ന രാത്രിയാണിത്. നാളെ വിജയദശമി നന്മയുടെയും ധര്മ്മത്തിന്റെയും വിജയദിനമാണ്. വിദ്യാഭ്യാസം തുടങ്ങാനും ആയുധ, സുകുമാര കലാപഠനം തുടങ്ങാനും യോജിച്ചദിവസമാണ്.
വിജയദശമിദിനത്തില് വെളുപ്പിന് നാലുമുതല് ഗണപതിക്കും സരസ്വതിക്കും ഗുരുവിനും പൂജകള് ചെയ്താണ് അക്ഷരമെഴുത്തു തുടങ്ങുന്നത്. കേരളത്തിനുപുറത്ത് കൊല്ലൂര് മൂകാംബിക ക്ഷേത്രത്തിലാണ് വിദ്യാരംഭം പ്രാധാന്യത്തോടെ നടത്തുന്നത്.
അതേസമയം കൊവിഡ് പ്രോട്ടോക്കോളുണ്ടെങ്കിലും ക്ഷേത്രങ്ങളില് വിദ്യാരംഭത്തിന് കഴിഞ്ഞ തവണത്തെപ്പോലെ കടുത്ത നിയന്ത്രണങ്ങളില്ല.
ദുര്ഗാഷ്ടമിയായ ഇന്നലെ വൈകിട്ട് ആരാധാനാലയങ്ങളിലും തൊഴിലിടങ്ങളിലും പൂജവയ്പ് നടന്നു. മഹാനവമിയായ ഇന്നു രാവിലേയും പൂജ വയ്ക്കാറുണ്ട്. ഒന്പത് ശക്തി സങ്കല്പ്പങ്ങളെ ഉള്ക്കൊള്ളുന്നതാണ് നവരാത്രി. ദേവിയുടെ യുദ്ധവിജയവുമായി ബന്ധപ്പെടുത്തി ഉത്തരേന്ത്യയില് ആയുധപൂജയ്ക്ക് പ്രാധാന്യം നല്കുമ്പോള്, മലയാളികള് അക്ഷര പൂജ നടത്തി സരസ്വതിയെ ആരാധിക്കുന്നു.
കൊവിഡ് മഹാമാരിക്കാലത്ത് തിന്മയുടെ മേല് നന്മയുടെ വിജയം ആഘോഷിക്കുന്ന വിജയദശമി നാളെ. രാവിലെ 8നു മുമ്പ് പൂജയെടുത്ത ശേഷം വിദ്യാരംഭ ചടങ്ങുകള് തുടങ്ങും.
"
https://www.facebook.com/Malayalivartha