വീണ്ടും കൈകോർത്ത് കേരളവും കർണാടകയും. ഇ​നാ​ര​മോ​ളു​ടെ പു​ഞ്ചി​രി മാ​യാ​തി​രി​ക്കാ​ന്‍ നാല് മണിക്കൂർ നാടും നഗരവും ഉണർന്ന് പ്രവർത്തിച്ചു. വി​ദ​ഗ്​​ധ ചി​കി​ത്സ​ക്കാ​യി കു​ഞ്ഞി​നെ ക​ണ്ണൂ​ര്‍ മിം​സ്​ ആ​ശു​പ​ത്രി​യി​ല്‍​നി​ന്ന്​ ഏവരുടെയും സഹകരണത്തോടെ നാ​ലു​മ​ണി​ക്കൂ​ര്‍​കൊ​ണ്ടാ​ണ്​ റോ​ഡു​മാ​ര്‍​ഗം ആം​ബു​ല​ന്‍​സി​ല്‍ ബം​ഗ​ളൂ​രു​വി​ലെ മ​ണി​പ്പാ​ല്‍ ആ​ശു​പ​ത്രി​യി​ലെ​ത്തി​ച്ചേർന്നത്.

സ്‌​പൈ​ന​ല്‍ മ​സ്‌​കു​ലാ​ര്‍ അ​ട്രോ​ഫി (എ​സ്.​എം.​എ) എ​ന്ന ജ​നി​ത​ക രോ​ഗ​ത്തി​ന്റെ പി​ടി​യി​ലാ​യ ക​ണ്ണൂ​ര്‍ മു​ഴ​പ്പി​ല​ങ്ങാ​​ട്ടെ ഒ​മ്പത്​ മാ​സം പ്രാ​യ​മു​ള്ള ഇ​നാ​ര​മോ​ളെ മ​ണി​പ്പാ​ല്‍ ആ​ശു​പ​ത്രി​യി​ലേ​ക്ക്​ മാ​റ്റു​ന്ന​തി​നാ​യി കേ​ര​ള​ത്തി​ലെ​യും ക​ര്‍​ണാ​ട​ക​യി​ലെ​യും റോ​ഡു​ക​ളി​ല്‍ ഗ​താ​ഗ​തം നി​യ​ന്ത്രി​ച്ചാ​ണ്​ ആം​ബു​ല​ന്‍​സി​ന്​ ഏവരും വ​ഴി​യൊ​രു​ക്കി​യ​ത്. ബം​ഗ​ളൂ​രു കെ.​എം.​സി.​സി ആം​ബു​ല​ന്‍​സാ​ണ്​ ദൗ​ത്യം വി​ജ​യ​ക​ര​മാ​യി പൂ​ര്‍​ത്തി​യാ​ക്കിയിരിക്കുന്നത്​.

ബു​ധ​നാ​ഴ്​​ച രാ​വി​ലെ 10.55ഓ​ടെ​യാ​ണ്​ ആം​ബു​ല​ന്‍​സ്​ ക​ണ്ണൂ​രി​ലെ ആ​ശു​പ​ത്രി​യി​ല്‍​നി​ന്ന്​ പു​റ​പ്പെ​ട്ട​ത്. കേ​ര​ള എ​മ​ര്‍​ജ​ന്‍​സി ടീ​മും പൊ​ലീ​സും സു​ഗ​മ​മാ​യ വ​ഴി​യൊ​രു​ക്കുകയായിരുന്നു. മ​ട്ട​ന്നൂ​ര്‍-​ഇ​രി​ട്ടി മാ​ക്കൂ​ട്ടം വ​ഴി​യാ​ണ്​ ബം​ഗ​ളൂ​രു​വി​ലെ​ത്തിച്ചേർന്നത്. ഡ്രൈ​വ​ര്‍ കാ​സ​ര്‍​കോ​ട് സ്വ​ദേ​ശി ഹ​നീ​ഫ​യാ​ണ്​ കു​ഞ്ഞി​നെ സു​ര​ക്ഷി​ത​മാ​യി ആ​ശു​പ​ത്രി​യി​ലെ​ത്താൻ സഹായിച്ചത്. ആം​ബു​ല​ന്‍​സ്​ ഇ​ന്‍​ചാ​ര്‍​ജ്​ സ​ലീം ട​ര്‍​ളി, ജം​ഷീ​ദ്​ എ​ന്നി​വ​രും കു​ഞ്ഞിന്റെ മാ​താ​പി​താ​ക്ക​ളും വാ​ഹ​ന​ത്തിൽ ഉണ്ടായിരുന്നു.

അതോടൊപ്പം തന്നെ ക​ര്‍​ണാ​ട​ക​യി​ല്‍ പൊ​ലീ​സ് സീ​റോ ട്രാ​ഫി​ക് ഒ​രു​ക്കി​യി​രു​ന്നു. ബം​ഗ​ളൂ​രു കെ.​എം.​സി.​സി ജ​ന.​സെ​ക്ര​ട്ട​റി​ എം.​കെ. നൗ​ഷാ​ദിന്റെ​ നേ​തൃ​ത്വ​ത്തി​ലാ​ണ്​ യാ​ത്ര​ക്ക്​ ആ​വ​ശ്യ​മാ​യ സൗ​ക​ര്യ​ങ്ങ​ള്‍ ഒരുക്കിയത്. ആ​രോ​ഗ്യ​സ്ഥി​തി മോ​ശ​മാ​യ​തി​നെ തു​ട​ര്‍​ന്ന്​ ബം​ഗ​ളൂ​രു​വി​ലെ ഡോ​ക്​​ട​ര്‍​മാ​ര്‍ അ​ഞ്ച്​ മ​ണി​ക്കൂ​റി​നു​ള്ളി​ല്‍ കു​ട്ടി​യെ മ​ണി​പ്പാ​ലി​ലെ ആ​ശു​പ​ത്രി​യി​ലെ​ത്തി​ക്കാ​ന്‍ മാതാപിതാക്കളോട് അഭ്യർത്ഥിക്കുകയായിരുന്നു. വി​മാ​ന​മാ​ര്‍​ഗം പ്രാ​വ​ര്‍​ത്തി​ക​മാ​കി​ല്ലെ​ന്ന​റി​ഞ്ഞ​തോ​ടെ​യാ​ണ്​ ഇവർ ആം​ബു​ല​ന്‍​സ്​ തെ​ര​ഞ്ഞെ​ടു​ത്ത​ത്.

അതേസമയം ഇ​നാ​ര​മോ​ളു​ടെ ചി​കി​ത്സ​ക്കാ​യി നാ​ട്ടു​കാ​ര്‍ ക​മ്മി​റ്റി രൂ​പ​വ​ത്​​ക​രി​ച്ച്‌​ പ്ര​വ​ര്‍​ത്ത​നം തു​ട​ങ്ങി​യെ​ങ്കി​ലും 1.50 കോ​ടി രൂ​പ മാ​ത്ര​മാ​ണ്​ ഇ​തു​വ​രെ സ്വ​രൂ​പി​ക്കാ​ൻ കഴിഞ്ഞത്. ജീ​വ​ന്‍ ര​ക്ഷി​ക്കാ​നാ​യി ലോ​ക​​ത്തെ ഏ​റ്റ​വും വി​ല​യേ​റി​യ മ​രുന്ന്​ ല​ഭ്യ​മാ​ക്കാ​നാ​യി 15 കോ​ടി​രൂ​പ ഇ​നി​യും ആവശ്യമാണ്. ഇ​നി​യും വ​റ്റാ​ത്ത മ​നു​ഷ്യ​ന​ന്മ​യി​ലാ​ണ്​ കു​ഞ്ഞിന്റെയും കു​ടും​ബ​ത്തിന്റെ​യും നാ​ട്ടു​കാ​രു​ടെ​യും പ്ര​തീ​ക്ഷ. ആയതിനാൽ തന്നെ ഏവരും സഹകരിക്കുമെന്ന പ്രതീക്ഷയിലാണ് മാതാപിതാക്കളും.