അറിവിന്റെ വെളിച്ചത്തിലേക്ക്... ഇന്ന് വിജയദശമി... കുരുന്നുകള്ക്ക് അക്ഷരമധുരം നല്കി സംസ്ഥാനത്തെ ക്ഷേത്രങ്ങളില് വിദ്യാരംഭ ചടങ്ങുകള്ക്ക് തുടക്കമായി...
അറിവിന്റെ വെളിച്ചത്തിലേക്ക്... ഇന്ന് വിജയദശമി.... കുരുന്നുകള്ക്ക് അക്ഷരമധുരം നല്കി സംസ്ഥാനത്തെ വിവിധ ക്ഷേത്രങ്ങളില് വിദ്യാരംഭ ചടങ്ങുകള്ക്ക് തുടക്കമായി
ഇന്ന് വിജയദശമി. കുരുന്നുകള്ക്ക് അക്ഷരമധുരം നല്കി സംസ്ഥാനത്തെ ക്ഷേത്രങ്ങളില് വിദ്യാരംഭ ചടങ്ങുകള്ക്ക് തുടക്കമായി. അറിവിന്റെ ആദ്യാക്ഷരം കുറിച്ച് കുരുന്നുകള്. നവരാത്രിയുടെ അവസാന നാള് എന്നറിയപ്പെടുന്ന വിജയദശമി ദിനത്തില് കുട്ടികളെ അറിവിന്റെ വെളിച്ചത്തിലേക്ക് കൈപിടിച്ച് കൊണ്ടുവരാന് സംസ്ഥാനത്തൊട്ടാകെ വിപുലമായ സജീകരണങ്ങളാണ് ഒരുക്കിയിരിക്കുന്നത്.
ക്ഷേത്രങ്ങള്, സാംസ്കാരിക കേന്ദ്രങ്ങള്, ഗ്രന്ഥശാലകള്, സന്നദ്ധ സ്ഥാപനങ്ങള് എന്നിവയിലൂടെ ആയിരക്കണക്കിന് കുട്ടികളാണ് ആദ്യാക്ഷരം കുറിക്കുന്നത്.
വിവിധ ക്ഷേത്രങ്ങളില് പുലര്ച്ചെ മുതല് തന്നെ വിദ്യാരംഭം ചടങ്ങുകള് ആരംഭിച്ചു. കൊവിഡ് നിയന്ത്രണങ്ങള് കര്ശനമായി പാലിച്ചുകൊണ്ടാണ് മിക്കയിടങ്ങളിലും ചടങ്ങുകള് നടക്കുന്നത്.
കൊല്ലൂര് മൂകാംബികാ ദേവീ ക്ഷേത്രത്തില് ആയിരങ്ങളാണ് വിദ്യാരംഭ ചടങ്ങുകള്ക്കായി എത്തിയിട്ടുള്ളത്. ആദ്യക്ഷരം കുറിക്കുന്ന കുട്ടിക്കൊപ്പം രക്ഷിതാക്കളെ മാത്രമേ ചടങ്ങില് പങ്കെടുക്കാനനുവദിക്കൂ. കേരളത്തില് നിന്ന് വരുന്നവര്ക്ക് 72 മണിക്കൂറിനുള്ളില് എടുത്ത ആര്.ടി.പി.സി.ആര്. നെഗറ്റീവ് റിപ്പോര്ട്ടുണ്ടെങ്കില് മാത്രമാണ് ക്ഷേത്രത്തിനകത്ത് പ്രവേശനം അനുവദിക്കുന്നത്.
ദക്ഷിണ മൂകാംബികയായ കോട്ടയം പനച്ചിക്കാട് ക്ഷേത്രത്തിലേക്ക് പുലര്ച്ചെ മുതല് വിദ്യാരംഭ ചടങ്ങുകള് ആരംഭിച്ചു. കുട്ടികളെ മാതാപിതാക്കള് തന്നെയാണ് എഴുത്തിനിരുത്തുന്നത്. മുന്കൂട്ടി ബുക്ക് ചെയ്തവര്ക്ക് മാത്രമാണ് ഇത്തവണ എഴുത്തിനിരുത്താനുള്ള സൗകര്യം. പ്രത്യേക ആപ്ലിക്കേഷനും തയ്യാറാക്കിയിട്ടുണ്ട്.
തിരുവനന്തപുരം പൂജപ്പുര സരസ്വതി മണ്ഡപം, ആറ്റുകാല് ദേവീക്ഷേത്രം, ഐരാണിമുട്ടം തുഞ്ചന് സ്മാരകം, എറണാകുളം, ചോറ്റാനിക്കര ദേവീക്ഷേത്രം, പറവൂര് ദക്ഷിണമൂകാംബിക എന്നിവിടങ്ങളിലും വിദ്യാരംഭത്തിനുള്ള സൗകര്യമൊരുക്കിയിട്ടുണ്ട്.
അതേസമയം അസുരചക്രവര്ത്തിയായ മഹിഷാസുരന്റെ ക്രൂരതകളാല് പൊറുതിമുട്ടിയപ്പോള് ആദിപരാശക്തി ശക്തിസ്വരൂപിണിയായ ദുര്ഗ്ഗയായി അവതരിച്ച് മഹിഷാസുരനെ വധിച്ചതും ഇതേ ദിനത്തിലാണെന്ന് വിശ്വസിക്കപ്പെടുന്നു .
മാത്രവുമല്ല ഒന്പതുദിനങ്ങള് ദേവിയെ പൂജിച്ചതിനു ശേഷം പൂര്വ്വാധികം ശക്തനായ ശ്രീരാമന് രാവണ നിഗ്രഹം ചെയ്തതും വിജയദശമി നാളിലാണെന്ന് വിശ്വസിക്കപ്പെടുന്നു . ദുര്ഗപൂജ ആഘോഷങ്ങളുടെ അവസാനം കൂടിയാണ് വിജയദശമി .
നാവില് സ്വര്ണമോതിരം കൊണ്ടും അരിയില് ചൂണ്ടുവിരല്കൊണ്ടും ഹരിശ്രീ ഗണപതയേ നമ: എഴുതി കുട്ടികള് അറിവിന്റെ ലോകത്തേക്ക് പിച്ചവെക്കും.
"
https://www.facebook.com/Malayalivartha
