ഇത്രയും പൊല്ലാപ്പ് പ്രതീക്ഷിച്ചില്ല... ബിജെപി നേതൃത്വത്തെ വെട്ടിലാക്കി മുന് കോണ്ഗ്രസ് എംഎല്എ ഹര്ഷവര്ധന് പാട്ടീല്; ബിജെപിയില് ചേര്ന്നപ്പോള് അന്വേഷണമില്ല; ഉറക്കം കിട്ടുന്നുണ്ട്; വിവാദത്തിന് തീ പിടിച്ചപ്പോള് വിശദീകരണവുമായി ഹര്ഷവര്ധന് പാട്ടീല്
ബിജെപി നേതൃത്വത്തെ പുകഴ്ത്താന് ശ്രമിച്ച ബിജെപിയിലേക്ക് ചേക്കേറിയ കോണ്ഗ്രസ് മുന് എംഎല്എ ഹര്ഷവര്ധന് പാട്ടീല് പെട്ടു പോയി. ബിജെപിയില് ചേര്ന്നപ്പോള് അന്വേഷണമില്ല, ഉറക്കം കിട്ടുന്നുണ്ട് എന്നാണ് പറഞ്ഞത്.
അതേസമയം ബിജെപി നേതൃത്വത്തെ വെട്ടിലാക്കിയ പ്രസ്താവനയില് വിശദീകരണവുമായി ഹര്ഷവര്ധന് പാട്ടീല് രംഗത്തെത്തി. കോണ്ഗ്രസ് വിട്ട് ബിജെപിയില് ചേര്ന്ന ശേഷം സമാധാനമായി ഉറങ്ങാന് കഴിയുന്നുണ്ടെന്നും ഇപ്പോള് അന്വേഷണങ്ങളെ ഭയക്കേണ്ടെന്നുമാണ് ഹര്ഷവര്ധന് പറഞ്ഞത്. എന്നാല് തന്റെ പ്രസ്താവന തെറ്റായി വ്യാഖ്യാനിക്കുകയായിരുന്നെന്ന് ഹര്ഷവര്ധന് വിശദീകരിച്ചു.
കഴിഞ്ഞ ദിവസം ഒരു ഹോട്ടല് ഉദ്ഘാടനത്തിനായി മാവലില് പോയപ്പോള് ഞാന് ഒരു പ്രസ്താവന നടത്തി. ആ പ്രസ്താവന തെറ്റായി വ്യാഖ്യാനിക്കപ്പെടുകയാണ്. അതിനാലാണ് ഈ വിശദീകരണം എന്നും ഹര്ഷവര്ധന് പറഞ്ഞു. പ്രതിപക്ഷ നേതാക്കളെ കേന്ദ്രസര്ക്കാര് അന്വേഷണ ഏജന്സികളെ ഉപയോഗിച്ച് വേട്ടയാടുന്നെന്ന ആക്ഷേപം കോണ്ഗ്രസ് നേതാക്കള് ഉന്നയിക്കുമ്പോഴാണ് പാര്ട്ടിവിട്ട നേതാവിന്റെ പ്രസ്താവന.
പുണെ ഇന്ദാപൂരിലെ എംഎല്എ ആയിരുന്നു ഹര്ഷവര്ധന് പാട്ടീല്. 2019ലെ മഹാരാഷ്ട്ര നിയമസഭാ തിരഞ്ഞെടുപ്പിന് മുന്പാണ് കോണ്ഗ്രസ് വിട്ട് ബിജെപിയില് ചേര്ന്നത്. എല്ലാം എളുപ്പവും സമാധാനപരവുമാണ് ബിജെപിയില്. അന്വേഷണങ്ങളൊന്നും നേരിടേണ്ടിവരാത്തതിനാല് എനിക്ക് നല്ലതുപോലെ ഉറങ്ങാന് പറ്റുന്നുണ്ട്. ഇതായിരുന്ന ഹര്ഷവര്ധന് പാട്ടീലിന്റെ വാക്കുകള്.
അതേസമയം ബിജെപിക്കെതിരെ പോര്മുഖം തുറന്ന് വരുണ് ഗാന്ധി എംപി. കര്ഷക സമരത്തില് നേതൃത്വത്തിനെതിരെ പരോക്ഷ വിമര്ശനവുമായാണ് വരുണ് ഗാന്ധി രംഗത്തുവന്നത്. കര്ഷക സമരത്തെ അനുകൂലിച്ചുള്ള മുന് പ്രധാനമന്ത്രി എ.ബി.വാജ്പേയിയുടെ പ്രസംഗം ട്വിറ്ററില് പങ്കുവച്ചാണ് വിമര്ശനം.
ലഖിംപുര് ഖേരിയിലെ കര്ഷക കൊലപാതകത്തില് ബിജെപി നേതൃത്വത്തിനെതിരെ രംഗത്തുവന്നതിന് പിന്നാലെയാണ് വീണ്ടും വരുണ് ഗാന്ധിയുടെ വിമര്ശനം. 1980ല് മധ്യപ്രദേശിലെ കോണ്ഗ്രസ് സര്ക്കാരിനെതിരെ നടന്ന കര്ഷകസമരത്തെ അഭിസംബോധന ചെയ്ത എ.ബി.വാജ്പേയിയുടെ പ്രസംഗമാണ് വരുണ് പങ്കുവച്ചത്.
കര്ഷകരുടെ പ്രാധാന്യം എടുത്തു പറഞ്ഞ വാജ്പേയി, പ്രകോപിപ്പിച്ചാല് തിരിച്ചടിക്കുമെന്ന് പ്രസംഗത്തില് വ്യക്തമാക്കുന്നുണ്ട്. വിവാദ കാര്ഷിക നിയമങ്ങള്ക്കെതിരെയുള്ള കര്ഷകസമരം ന്യായമാണെന്ന് വ്യാഖ്യാനിക്കുന്ന രീതിയിലാണ് വരുണിന്റെ ട്വീറ്റ്. എന്നാല് വരുണിന്റെ ട്വീറ്റിനോട് ബിജെപി ഇതുവരെ പ്രതികരിച്ചിട്ടില്ല.
ലഖിംപുര് വിഷയത്തിലെ വിമര്ശനത്തിനു പിന്നാലെ വരുണ് ഗാന്ധിയെ ബിജെപി ദേശീയ നിര്വാഹക സമിതിയില്നിന്ന് ഒഴിവാക്കിയിരുന്നു. കഴിഞ്ഞ അഞ്ചു വര്ഷമായി താന് ഒരു സമിതി യോഗത്തില് പോലും പങ്കെടുത്തിട്ടില്ലെന്നും നിര്വാഹക സമിതിയില് ഉണ്ടായിരുന്നതായി തോന്നിയിരുന്നില്ലെന്നുമായിരുന്നു ഇതിനോട് വരുണ് പ്രതികരിച്ചത്.
https://www.facebook.com/Malayalivartha