സംസ്ഥാനത്ത് വൈദ്യുതി പ്രതിസന്ധിയ്ക്ക് അയവ്.... ശക്തമായ മഴ കാരണം വൈദ്യുതി ഉപഭോഗത്തില് കുറവ്, ലോഡ് ഷെഡിങ് വേണ്ടിവന്നേക്കില്ല
സംസ്ഥാനത്ത് വൈദ്യുതി പ്രതിസന്ധിയ്ക്ക് അയവ്.... ശക്തമായ മഴ കാരണം വൈദ്യുതി ഉപഭോഗത്തില് കുറവ്, ലോഡ് ഷെഡിങ് വേണ്ടിവന്നേക്കില്ല. തുടര്ച്ചയായി പെയ്യുന്ന ശക്തമായ മഴകാരണം വൈദ്യുതിയുടെ ഉപയോഗത്തില് ഏറെ കുറവുണ്ട്.
കഴിഞ്ഞ കുറച്ചു ദിവസങ്ങളിലായി രാജ്യത്ത് ഊര്ജ പ്രതിസന്ധിയെന്നുള്ള വാര്ത്തകളാണ് നിറഞ്ഞു നിന്നത്. എന്നാല് കല്ക്കരി ക്ഷാമം രൂക്ഷമായതിനെത്തുടര്ന്ന് ഉത്തരേന്ത്യയിലെ പല സംസ്ഥാനങ്ങളിലും ലോഡ് ഷെഡിങ് ഏര്പ്പെടുത്തിയിരുന്നു. കേരളത്തിലും ഇത്തരത്തില് ലോഡ് ഷെഡിങ് ഏര്പ്പെടുത്തേണ്ടി വരുമോ എന്ന ആശങ്കയും നിലനിന്നിരുന്നു.
കല്ക്കരി ക്ഷാമം നീണ്ടു പോവുകയും വാങ്ങുന്ന വൈദ്യുതിയില് പ്രതിദിനം 400 മെഗാവാട്ട് കുറവ് ഉണ്ടാകുകയും ചെയ്താല് ഈ മാസം 19ന് ശേഷം ലോഡ് ഷെഡിങ് ഏര്പ്പെടുത്താനായിരുന്നു നീക്കമുണ്ടായിരുന്നത്.
എന്നാല് തിങ്കളാഴ്ച മുതല് സംസ്ഥാനത്ത് ശക്തമായ മഴ ലഭിച്ചതോടെ സാഹചര്യം മാറി. കാലാവസ്ഥ മാറി ചൂട് കുറഞ്ഞതോടെ ജനങ്ങളുടെ വൈദ്യുത ഉപഭോഗം ഗണ്യമായി കുറഞ്ഞിട്ടുണ്ട്. തത് സ്ഥിതി തുടര്ന്നാല് ലോഡ് ഷെഡിങ് വേണ്ടി വരില്ലെന്നാണ് കെഎസ്ഇബി വൃത്തങ്ങള് സൂചിപ്പിക്കുന്നത്.
"
https://www.facebook.com/Malayalivartha