ഫെയ്‌സ് ബുക്ക് പ്രണയം കൊണ്ടെത്തിച്ചത് പീഡനത്തിൽ. സംഭവം നടന്നത് വെള്ളറടയിലാണ്. പെൺകുട്ടിയുമായി പ്രണയത്തിലായതിന് ശേഷം പീഡിപ്പിക്കുകയായിരുന്നു. ഇതിന് ശേഷം, ആഭരണങ്ങളും പണവും തട്ടിയ യുവാവ് പൊലീസ് പിടിയിലായി. ചെറിയ കൊല്ല പുന്നാക്കര വാറുവിളാകത്തു വീട്ടില്‍ അനു (21) ആണ് പിടിയിലായത്.

പ്രണയം നടിച്ച്‌ സ്‌കൂള്‍ വിദ്യാര്‍ത്ഥിനിയെ ഒരു വര്‍ഷത്തോളമായി പീഡിപ്പിക്കുകയായിരുന്നു. വിദ്യാര്‍ഥിനിയുടെ ആഭരണങ്ങളും പണവും ഇയാള്‍ പലപ്പോഴായി കൈക്കലാക്കിയിരുന്നു.

വെള്ളറട സി.ഐ എം.ആര്‍ മൃദുല്‍ കുമാറിന്‍റെ നേതൃത്വത്തിലെ സംഘമാണ് പ്രതിയെ പിടികൂടിയത്. പണയം വെച്ചിരുന്ന സ്വര്‍ണ്ണാഭരണങ്ങള്‍ സ്വകാര്യ പണമിടപാട് സ്ഥാപനത്തില്‍ നിന്നും കണ്ടത്തി. പോസ്‌കോ നിയമപ്രകാരം പ്രതിയെ കോടതി റിമാന്‍ഡ് ചെയ്തു.