ചരിത്രം കുറിച്ച് ഇന്ത്യ.... വാക്സിനേഷന് 100 കോടി ഡോസ് പിന്നിട്ടു, നേട്ടം 279 ദിവസം കൊണ്ട് , ആരോഗ്യ പ്രവര്ത്തകരെ അഭിനന്ദിക്കാന് പ്രധാനമന്ത്രി ആര്എംഎല് ആശുപത്രിയിലെത്തി
രാജ്യത്ത് കൊവിഡ് വാക്സിനേഷന് 100 കോടി കടന്നു. 279 ദിവസം കൊണ്ടാണ് നേട്ടം കൈവരിച്ചത്. ഇതോടെ വാക്സിനേഷനില് നാഴികക്കല്ലാണ് പിന്നിട്ടിരിക്കുന്നത്. ഈ നേട്ടത്തിന് പിന്നില് പ്രവര്ത്തിച്ച ആരോഗ്യ പ്രവര്ത്തകരെ ആദരിക്കാന് പ്രധാന മന്ത്രി നരേന്ദ്ര മോദി ആര് എം എല് ആശുപത്രിയിലെത്തി.
ഒമ്പത് മാസത്തിനുള്ളിലാണ് ഇന്ത്യ നൂറ് കോടി ഡോസ് വാക്സിന് എന്ന ചരിത്രത്തിലേക്ക് കുതിച്ചത്. 2021 ജനുവരി 16 നായിരുന്നു വാക്സിന് വിതരണം ആരംഭിച്ചത്.
ചരിത്ര നിമിഷത്തില് വലിയ ആഘോഷ പരിപാടികള്ക്കാണ് കേന്ദ്ര സര്ക്കാര് നിര്ദേശം നല്കിയിരിക്കുന്നത്. ഇന്ന് ചെങ്കോട്ടയില് ദേശീയ പതാക ഉയര്ത്തും.
രാജ്യത്തെ വിമാനങ്ങള്, കപ്പല്, ട്രെയിനുകളില് എന്നിവിടങ്ങളില് നൂറ് കോടി ഡോസ് വാക്സിന് കടന്നതിന്റെ പ്രഖ്യാപനമുണ്ടാകും. ബുധനാഴ്ച വരെയുള്ള കണക്കുകള് പ്രകാരം 99.70 കോടി ഡോസുകളാണ് ഇതുവരെ നല്കിയത്.
കേന്ദ്ര സര്ക്കാരിന്റെ കണക്കനുസരിച്ച്, രാജ്യത്തെ പ്രായപൂര്ത്തിയായവരില് 75 ശതമാനം ആളുകള് ആദ്യ ഡോസ് വാക്സിന് സ്വീകരിച്ചു.
എന്നാല് രണ്ടാം ഡോസ് വാക്സിനും സ്വീകരിച്ചവരുടെ അനുപാതം 31 ശതമാനം മാത്രമാണ്. സംസ്ഥാനങ്ങളില് ഏറ്റവും കൂടുതല് വാക്സിന് വിതരണം നടത്തിയത് ഉത്തര്പ്രദേശിലാണ്.
"
https://www.facebook.com/Malayalivartha
