കനത്ത മഴയെ തുടര്‍ന്ന് പാലക്കാട് ജില്ലയിലെ മലയോര പ്രദേശങ്ങളിലൂടെയുള്ള രാത്രിയാത്ര നിരോധിച്ചു. അട്ടപ്പാടി, നെല്ലിയാമ്പതി രാത്രി യാത്രയ്ക്കാണ് വിലക്കേര്‍പ്പെടുത്തിയത്.

പറമ്പിക്കുളത്തേക്കും യാത്ര അനുവദിക്കില്ല. രാത്രി ഏഴ് മുതല്‍ രാവിലെ ആറു വരെയാണ് വിലക്ക്. ബുധനാഴ്ച കനത്ത മഴയില്‍ പാലക്കാട് വ്യാപക ഉരുള്‍പൊട്ടലുണ്ടായാരുന്നു.

പാലക്കാട്ട് മംഗലം ഡാം, പാലക്കുഴി തുടങ്ങിയ മലയോര മേഖലയില്‍ നാലിടത്ത് ഉരുള്‍പൊട്ടി. ആളപായമില്ല. അമ്പതോളം കുടുംബങ്ങളെയാണ് സുരക്ഷിത കേന്ദ്രങ്ങളിലേക്കു മാറ്റിയത്.