ശമ്പളകുടിശിക വാങ്ങാൻ എത്തിയത് തോക്കുമായി!! അങ്കമാലിയിൽ അതിഥി തൊഴിലാളികള് പിടിയില്
ശമ്പള കുടിശ്ശിക വാങ്ങാനായി എത്തിയത് തോക്കുമേന്തി.. അങ്കമാലിയിൽ രണ്ടു അതിഥി തൊഴിലാളികളെ പൊലിസ് അറസ്റ്റ് ചെയ്തു. ഉത്തര്പ്രദേശ് സ്വദേശികളായ ബുര്ഹന് അഹമ്മദ് (21), ഗോവിന്ദ് കുമാര് (27) എന്നിവരാണ് അങ്കമാലിയില് അറസ്റ്റിലായത്. കരാറുകാരന് പണം നല്കാത്തതിനെ തുടര്ന്നാണ് തോക്കുമായി എത്തിയതെന്ന് ഇവര് പോലീസിനോട് പറഞ്ഞു.
പ്രതികളില് നിന്ന് പിസ്റ്റളിന് പുറമേ കത്തിയും, വയര്ക്കട്ടറും കണ്ടെടുത്തിട്ടുണ്ട്. വെടിമരുന്ന് നിറച്ച് ഉപയോഗിക്കുന്ന പഴയ പിസ്റ്റളാണ് ഇവരില് നിന്നു പിടികൂടിയത്
ഹോസ്റ്റല് നിര്മാണവുമായി ബന്ധപ്പെട്ട തൊഴിലാളിയാണ് ബുര്ഹാന്. ജോലി ചെയ്ത 48000 രൂപ നിരവധി തവണ ചോദിച്ചിട്ടും കരാറുകാരന് കൊടുത്തില്ല . ഇത് വാങ്ങിയെടുക്കുന്നതിനാണ് തോക്കുമായി അങ്കമാലിയിലെത്താന് നാട്ടിലുള്ള സുഹൃത്ത് ഗോവിന്ദ് കുമാറിനോട് ബുര്ഹാന് ആവശ്യപ്പെട്ടത്.
ഇതിനിടയ്ക്ക് തോക്ക് കൈവശം വെച്ച് ഇരുവരും കറങ്ങി നടക്കുന്നുവെന്ന് ജില്ലാ പോലീസ് മേധാവി കെ കാര്ത്തിക്കിന് രഹസ്യ വിവരം ലഭിച്ചു. തുടര്ന്ന് നടത്തിയ അന്വേഷണത്തിലാണ് ഇരുവരേയും പിടികൂടിയത്.
https://www.facebook.com/Malayalivartha
