കേരളത്തില്‍ ഇന്നും ശക്തമായ മഴയ്ക്ക് സാധ്യത.... പത്ത് ജില്ലകളില്‍ യെല്ലോ അലര്‍ട്ട്.... ഇടിമിന്നലിനും ശക്തമായ കാറ്റിനും സാധ്യത, ജനങ്ങള്‍ അതീവ ജാഗ്രത തുടരണമെന്ന് സര്‍ക്കാര്‍.

തിരുവനന്തപുരം, കാസര്‍ഗോഡ്, കണ്ണൂര്‍, ആലപ്പുഴ ഒഴികയുള്ള 10 ജില്ലകളില്‍ യെല്ലോ അലര്‍ട്ട് പുറപ്പെടുവിച്ചു. ഉച്ചയ്ക്ക് ശേഷം ഒറ്റപ്പെട്ട കനത്ത മഴയ്ക്ക് സാധ്യതയുണ്ട്.

മലയോര മേഖലകളില്‍ കൂടുതല്‍ മഴ ലഭിക്കും. ഇടിമിന്നലിനും ശക്തമായ കാറ്റിനും സാധ്യതയുണ്ട്. ജനങ്ങള്‍ അതീവ ജാഗ്രത തുടരണമെന്ന് നിര്‍ദേശിച്ച് സര്‍ക്കാര്‍

അതേസമയം മഴ ശക്തമായതോടെ ഇടുക്കി ഡാമിലെ ജലനിരപ്പും ഉയരുകയാണ്. കല്ലാര്‍ ഡാമിന്റെ രണ്ട് ഷട്ടറുകള്‍ ഉയര്‍ത്തി. കോട്ടയത്തെ മലയോരമേഖലകളിലും മഴ ശക്തമായിരുന്നു. ചാലക്കുടി പുഴയില്‍ ജലനിരപ്പ് ഉയരുമെന്നതിനാല്‍ തീരത്തെ പഞ്ചായത്തുകളില്‍ ജാഗ്രതാ നിര്‍ദേശം നല്‍കിയിട്ടുണ്ട്.