ഫ്രാൻസിലേക്ക് വ്യാജ രേഖ ഉപയോഗിച്ച് കടക്കാൻ ശ്രമം; നെടുമ്പാശ്ശേരിയിൽ വെച്ച് പിടികൂടി പൊലിസ്
ഫ്രാൻസിലേക്ക് വ്യാജരേഖകള് ഉപയോഗിച്ച് കടക്കാന് ശ്രമിച്ച യുവാവിനെ നെടുമ്പാശ്ശേരി പോലീസ് അറസ്റ്റ് ചെയ്തു. ഇയാള്ക്കെതിരേ പോലീസ് കേസ് രജിസ്റ്റർ ചെയ്തിരിക്കുകയാണ്. തൃശ്ശൂര് സ്വദേശി റിജോ വര്ഗീസിനെതിരെയാണ് പോലീസ് കേസെടുത്തത്.
എത്തിഹാദ് വിമാനത്തില് യാത്ര ചെയ്യാന് എത്തിയ ഇയാളുടെ രേഖകള് പരിശോധിച്ചപ്പോള് സംശയം തോന്നിയ വിമാനത്താവളത്തിലെ അധികൃതര് പോലീസിനെ വിവരം അറിയിക്കുകയായിരുന്നു.
തുടര്ന്ന് ജില്ലാ പോലീസ് മേധാവി കെ കാര്ത്തിക്കിന്റെ നേതൃത്വത്തില് നടത്തിയ അന്വേഷണത്തില് ഇയാളുടെ രേഖകള് എല്ലാം വ്യാജമാണെന്ന് കണ്ടെത്തുകയുമായിരുന്നു.
പത്താം ക്ലാസ് വരെ മാത്രം പഠിച്ച റിജോ, ബൂസ്റ്റണ് കണ്സല്ട്ടിംഗ് ഗ്രൂപ്പ് എന്ന സ്ഥാപനത്തിന്റെ ലറ്റര് വ്യാജമായി ഉണ്ടാക്കി ടൂറിസ്റ്റ് വിസയില് വിദേശത്തേയ്ക്ക് കടക്കാന് ശ്രമിക്കുകയായിരുന്നു.
പോലീസ് ഇന്സ്പെക്ടര് പി എം ബൈജു, സബ് ഇന്സ്പെക്ടര് അനീഷ് കെ ദാസ് എന്നിവരുടെ നേതൃത്വത്തില് ഇത്തരത്തില് വ്യാജരേഖകള് ഉപയോഗിച്ച് വിദേശത്തേയ്ക്ക് കടക്കാന് ശ്രമിക്കുന്നവര്ക്കെതിരെ അന്വേഷണം നടത്തിവരികയാണ്.
ഇവരെ സഹായിക്കുന്ന സ്ഥാപനങ്ങള്ക്കെതിരെയും കര്ശന നടപടി സ്വീകരിക്കുമെന്ന് എസ് പി കെ കാര്ത്തിക് പറഞ്ഞു.
https://www.facebook.com/Malayalivartha
