വ്യാജ ഐ എസ് ആര് ഒ ചാരക്കേസ്: മുന് എസ് പി ജോഷ്വക്ക് ഇടക്കാല മുന്കൂര് ജാമ്യം, അറസ്റ്റുചെയ്യുകയാണെങ്കില് ഒരു ലക്ഷം രൂപയുടെ ബോണ്ടില് വിട്ടയക്കണം, അന്വേഷണവുമായി സഹകരിക്കണം, നവംബര് 5 വരെയാണ് ജാമ്യം
ഐ എസ് ആര് ഓശാസ്ത്രജ്ഞരെയും 2 മാലി വനിതകളേയും കൂട്ടി വച്ച് വ്യാജ ഐ എസ് ആര് ഒ ചാരക്കേസ് രജിസ്റ്റര് ചെയ്ത് ശാസ്ത്രജ്ഞനായ നമ്പി നാരായണനടക്കമുള്ളവരെ കസ്റ്റഡിയില് പീഡിപ്പിക്കുകയും വ്യാജ രേഖകള് ചമക്കുകയും ചെയ്ത കേസില് അഞ്ചാം പ്രതിയായ മുന് എസ് പി കെ.കെ. ജോഷ്വക്ക് ഇടക്കാല മുന്കൂര് ജാമ്യം അനുവദിച്ചു.
മുന്കൂര് ജാമ്യഹര്ജിക്കെതിരെ സിബിഐ വിശദ വാദം ബോധിപ്പിക്കാന് അഡീ. സോളിസിറ്റര് ജനറല് ഹാജരാകുന്ന നവംബര് 5 വരെയാണ് ഇടക്കാല ജാമ്യം അനുവദിച്ചത്. തിരുവനന്തപുരം പ്രിന്സിപ്പല് ജില്ലാ സെഷന്സ് കോടതിയാണ് നവംബര് 5 വരെ ഇടക്കാല മുന്കൂര് ജാമ്യം അനുവദിച്ചത്.
ഇതിനിടെ അന്വേഷണ ഉദ്യോഗസ്ഥനായ സി ബി ഐ ഡെല്ഹി യൂണിറ്റ് എസ് പി പ്രതിയെ അറസ്റ്റു ചെയ്യുകയാണെങ്കില് ഒരു ലക്ഷം രൂപയുടെ പ്രതിയുടെ സ്വന്തവും തുല്യ തുകക്കുള്ള രണ്ടാള് ജാമ്യ ബോണ്ടിലും പ്രതിയെ വിട്ടയക്കണം.
പ്രതി അന്വേഷണവുമായി സഹകരിക്കണം. വിചാരണക്കോടതിയുടെ മുന്കൂര് അനുമതിയില്ലാതെ ഇന്ത്യ വിടരുത്. തെളിവുകള് നശിപ്പിക്കുകയോ സാക്ഷികളെ സ്വാധീനിക്കുകയോ ഭീഷണിപ്പെടുത്തുകയോ ചെയ്യരുത്. എന്നീ വ്യവസ്ഥയിലാണ് ഇടക്കാല ജാമ്യം നല്കിയത്.
ഐ.എസ് എസ് ആര് ഓ ചാരക്കേസില് തനിക്ക് നിഷ്ക്രിയ പങ്കാണുള്ളതെന്ന് മുന് എസ്.പി. ജോഷ്വയുടെ ജാമ്യ ഹര്ജിയില് പറയുന്നത്. ഒരു പ്രതിയെപ്പോലും താന് അറസ്റ്റ് ചെയ്യുകയോ അറസ്റ്റ് ചെയ്യാന് തീരുമാനിക്കുകയോ ചെയ്തിട്ടില്ല.
തന്റെ മേലുദ്യോഗസ്ഥരാണ് അന്വേഷണം നയിച്ചു കൊണ്ടുപോയത്. തന്നെ ഏത് നിമിഷവും സിബിഐ അറസ്റ്റ് ചെയ്ത് കസ്റ്റഡിയില് പീഡിപ്പിക്കാന് ശ്രമിച്ചു വരികയാണ്. താന് നിരപരാധിയും കേസിനാസ്പദമായ യാതൊരു കുറ്റവും ചെയ്തിട്ടില്ല. സി ബി ഐ അറസ്റ്റ് ചെയ്യുന്ന പക്ഷം ഉടന് തന്നെ ജാമ്യത്തില് വിട്ടയക്കാന് സി ബി ഐ ക്ക് നിര്ദ്ദേശം കൊടുത്തുത്തരവുണ്ടാകണമെന്ന് ബോധിപ്പിച്ചാണ് ജാമ്യ ഹര്ജി സമര്പ്പിച്ചത്. നവംബര് 5 ന് വീണ്ടും കേസ് പരിഗണിക്കും.
https://www.facebook.com/Malayalivartha
