ഡോക്ടര്‍മാര്‍ മുറിയില്‍ പൂട്ടിയിട്ട് ഭീഷണിപ്പെടുത്തി, മോന്‍സന് അനുകൂലമായി സംസാരിച്ചു; പരാതിയുമായി പെണ്‍കുട്ടി മോൻസനെതിരായ പോക്സോ കേസിലെ മൈനർ ആയ പെൺകുട്ടി നേരിട്ടത് ഭയാനകമായ അനുഭവം. വൈദ്യപരിശോധനയ്ക്ക് എത്തിയപ്പോഴാണ് ഡോക്ടർമാരിൽ നിന്നും മോശമായ അനുഭവം പെൺകുട്ടി നേരിട്ടത്. ഡോക്ടർമാർ ഭീഷണിപ്പെടുത്തിയെന്ന് പെൺകുട്ടി മൊഴി നൽകിയിരിക്കുന്നു .

ഡോക്ടർമാർ മുറിയിൽ പൂട്ടിയിട്ട് ഭീഷണിപ്പെടുത്തി എന്നാണ് പെൺകുട്ടി വെളിപ്പെടുത്തിയിരിക്കുന്നത് . ഡോക്ടർമാർ മോൻസണ് അനുകൂലമായി സംസാരിച്ചു എന്നും പെൺകുട്ടി പറഞ്ഞു.ഒടുവിൽ ഡോക്ടർമാരുടെ മുറിയിൽ നിന്നും ബന്ധുവിനൊപ്പം ബലമായി വാതിൽ തുറന്ന് പുറത്തേക്ക് ഓടുകയായിരുന്നുവെന്ന് പെൺകുട്ടി പറഞ്ഞിരിക്കുകയാണ്. കളമശ്ശേരി പോലീസ് സ്റ്റേഷനിൽ നേരിട്ടെത്തി പെൺകുട്ടി പരാതി അറിയിച്ചിരിക്കുകയാണ്.

വൈദ്യ പരിശോധനയ്ക്ക് പോയ ദിവസം സംഭവിച്ചത് ഇങ്ങനെയാണ് ; രാവിലെ ഇവർ ആലുവ താലൂക്ക് ഓഫീസിൽ ചെന്നു. എന്നാൽ അവിടെ നിന്നും കളമശ്ശേരിയിൽ പോകാൻ പറഞ്ഞു കളമശ്ശേരി യിലേക്ക് പോയി ഒരുമണിക്ക് ആന്റിജൻ ടെസ്റ്റ് നടത്തി എന്നല്ലാതെ വേറെ ഒന്നും സംഭവിച്ചില്ല.ഈ കുട്ടിക്ക് ആർത്തവമുണ്ടായിരുന്നു . അതുകൊണ്ടു പരിശോധനയ്ക്ക് ബുദ്ധിമുട്ടുണ്ടായിരുന്നു. ഉച്ചയോടെ ഇവിടെ ഡോക്ടർമാർ പെൺകുട്ടിയെ മുറിയിലേക്ക് വിളിച്ചു. മുറിയിലെ മൂന്ന് ഡോക്ടർമാർ ഉണ്ടായിരുന്നു.

എന്നാൽ ഡോക്ടർമാർ പെൺകുട്ടിയോട് മുറിയിൽ വച്ച് ചോദിച്ചത് നിങ്ങൾ എന്തിനാണ് അമ്മയോടൊപ്പം മോൺസന്റെ വീട്ടിൽ പോയത് എന്നാണ്. സ്ഥിരമായി അച്ഛനോട് വഴക്കിടുന്ന ആളല്ലേ എന്നൊക്കെ ചോദിച്ചു. ഇത്തരത്തിലുള്ള കാര്യങ്ങളാണ് ഡോക്ടർമാർ പെൺകുട്ടിയോട് ചോദിച്ചത്. ആശുപത്രിയിൽ വൈദ്യപരിശോധനയ്ക്ക് എത്തിയപ്പോഴാണ് ഇത്തരത്തിലുള്ള സംഭവവികാസങ്ങൾ അരങ്ങേറിയത് ഡോക്ടർമാർ പെൺകുട്ടിയെ ഭീഷണിപ്പെടുത്തി എന്ന വിവരം കേസിൽ വളരെയധികം നിർണായക വഴിത്തിരിവ് ഉണ്ടാക്കുകയാണ്.

കളമശ്ശേരി മെഡിക്കൽ കോളേജിലെ ഡോക്ടർമാർക്കെതിരെ ആണ് ആരോപണം ഉയർത്തിയിരിക്കുന്നത്. ഡോക്ടർമാർ കേസ് അട്ടിമറിക്കാൻ ശ്രമിച്ചെന്ന പരാതിയിൽ മജിസ്ട്രേറ്റിന് രഹസ്യമായി മൊഴി പെൺകുട്ടി കൊടുത്തിരിക്കുന്നു. കേസെടുക്കേണ്ട കുറ്റം തന്നെയാണ് ഡോക്ടർമാർ ചെയ്തിരിക്കുന്നത് എന്നതാണ് ശ്രദ്ധേയമായ കാര്യം. മൈനറായ പെൺകുട്ടിക്ക് നേരെയാണ് ഇത്തരത്തിൽ ഒരു സംഭവം ഉണ്ടായിരിക്കുന്നത് . വളരെ ഗുരുതരമായ ആരോപണമാണ് ഇത്.