സംസ്ഥാനത്ത് ഞായറാഴ്ച വരെ കനത്തമഴയ്ക്കു സാധ്യത..... ആറു ജില്ലകളില് ഇന്ന് ഓറഞ്ച് അലര്ട്ട് , 31 വരെ മത്സ്യത്തൊഴിലാളികള് കടലില് മീന്പിടിക്കാന് പോകരുതെന്ന് കേന്ദ്ര കാലാവസ്ഥാവകുപ്പിന്റെ മുന്നറിയിപ്പ്
സംസ്ഥാനത്ത് ഞായറാഴ്ച വരെ കനത്തമഴയ്ക്കു സാധ്യത. ബംഗാള് ഉള്ക്കടലില് രൂപംകൊണ്ട ന്യൂനമര്ദമാണ് കാരണം. നിലവില് ശ്രീലങ്ക തീരത്തിനുസമീപമുള്ള ന്യൂനമര്ദം രണ്ടുദിവസത്തിനുശേഷം തെക്കന് കേരളതീരത്തുകൂടി സഞ്ചരിക്കാന് സാധ്യതയുണ്ടെന്നാണ് പ്രവചനം.
ആറു ജില്ലകള്ക്ക് വെള്ളിയാഴ്ച ഓറഞ്ച് ജാഗ്രത നല്കി. 31 വരെ കടലില് മീന്പിടിക്കാന് പോകരുതെന്ന് കേന്ദ്ര കാലാവസ്ഥാവകുപ്പിന്റെ മുന്നറിയിപ്പുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളില് ഇന്ന് ഓറഞ്ച് അലര്ട്ട് . എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളില് യെല്ലോ അലര്ട്ടാണ്.
അതേസമയം നാളെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളില് യെല്ലോ അലര്ട്ട്
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട് ഞായറാഴ്ച യെല്ലോ അലര്ട്ടാണ്
https://www.facebook.com/Malayalivartha
