ചെറുകഥാകൃത്തും നോവലിസ്റ്റുമായ പി. വത്സലയ്ക്ക് എഴുത്തച്ഛന് പുരസ്ക്കാരം
ചെറുകഥാകൃത്തും നോവലിസ്റ്റുമായ പി. വത്സലയ്ക്ക് എഴുത്തച്ഛന് പുരസ്ക്കാരം. അഞ്ചുലക്ഷം രൂപയും പ്രശസ്തിപത്രവും അടങ്ങുന്നതാണ് പുരസ്കാരം.
സാഹിത്യത്തിനുള്ള സമഗ്രസംഭാവനയ്ക്ക് കേരള സര്ക്കാര് നല്കി വരുന്ന പരമോന്നത സാഹിത്യപുരസ്കാരമാണ് എഴുത്തച്ഛന് പുരസ്കാരം. അഞ്ച് ലക്ഷം രൂപയും പ്രശസ്തി പത്രവും ശില്പവുമടങ്ങുന്നതാണ് പുരസ്കാരം.പുരസ്കാരം നല്കുന്ന തീയതി പിന്നീട് അറിയിക്കും.
ഭാഷാ പിതാവ് തുഞ്ചത്ത് എഴുത്തച്ഛന്റെ നാമത്തില് സംസ്ഥാന സര്ക്കാര് നല്കുന്ന ഏറ്റവും വലിയ സാഹിത്യ പുരസ്കാരമാണിത്. അതേസമയം അധ്യാപികയായി പ്രവര്ത്തനമനുഷ്ഠിച്ച പി. വത്സല സാഹിത്യ പ്രവര്ത്തക സഹകരണ സംഘം ഡയറക്ടര് ബോര്ഡ് അംഗമായിരുന്നു.
നെല്ല് ആണ് ആദ്യനോവല്. ഈ നോവല് പിന്നീട് അതേ പേരില് തന്നെ രാമു കാര്യാട്ടിന്റെ സംവിധാനത്തില് ചലച്ചിത്രമായി. നെല്ലിന് കുങ്കുമം അവാര്ഡ് ലഭിച്ചു.
എന്റെ പ്രിയപ്പെട്ട കഥകള്, ഗൗതമന്, മരച്ചോട്ടിലെ വെയില്ചീളുകള്, മലയാളത്തിന്റെ സുവര്ണകഥകള്, വേറിട്ടൊരു അമേരിക്ക, അശോകനും അയാളും, വത്സലയുടെ സ്ത്രീകള്, പേമ്പി, വിലാപം, നിഴലിലുറങ്ങുന്ന വഴികള്, പോക്കുവെയില് പൊന്വെയില് എന്നിവ പ്രധാനകൃതികളാണ്.
കേരള സാഹിത്യ അക്കാദമി പുരസ്കാരം, പത്മപ്രഭാ പുരസ്കാരം, സി. എച്ച്. അവാര്ഡ്, കഥ അവാര്ഡ്, മുട്ടത്തുവര്ക്കി പുരസ്കാരം എന്നീ അംഗീകാരങ്ങള് ലഭിച്ചിട്ടുണ്ട്.
"
https://www.facebook.com/Malayalivartha
