ചെന്നിത്തലയുടെ മധുര പ്രതികാരം, മന്ത്രിയാക്കാമെന്ന് അവഹേളിച്ചവര് ചെന്നിത്തലയുടെ പുറകേ, മന്ത്രിസഭയിലേക്കില്ലെന്ന് ഉറപ്പിച്ച് ചെന്നിത്തല
സോളാര് വിവാദത്തില് സംസ്ഥാന മന്ത്രിസഭ പ്രതിസന്ധിയിലായ ഘട്ടത്തില് എല്ലാവരും കെപിസിസി പ്രസിഡന്റ് രമേശ് ചെന്നിത്തലയുടെ പുറകേയാണ്. പ്രതിഛായ മെച്ചപ്പെടുത്താന് ചെന്നിത്തലയെ മന്ത്രിസഭയില് ഉള്പ്പെടുത്തണമെന്ന ആവശ്യവുമായി എഗ്രൂപ്പിലെ പ്രമുഖര് തന്നെ രംഗത്തെത്തിയിരിക്കുകയാണ്. എന്നാല് ഈയൊരവസ്ഥയില് സര്ക്കാരില് ചേരണ്ട എന്നാണ് ഐ ഗ്രൂപ്പിന്റെ തീരുമാനം. ഇതേതുടര്ന്ന് മന്ത്രിസഭയിലേക്ക് ഇല്ലെന്ന നിലപാടില് ഉറച്ച് നില്ക്കുന്നതായി ചെന്നിത്തല ഹൈക്കമാന്റിനെ അറിയിച്ചു. മുഖ്യമന്ത്രിയും ഒന്നിച്ച് രമേശ് ചെന്നിത്തല സോണിയയെ കാണില്ല. സോണിയാ ഗാന്ധിയുമായി പിന്നീട് ചര്ച്ച നടത്താനാണ് ചെന്നിത്തലയുടെ തീരുമാനം. ഇതിനിടെ എ.കെ ആന്റണിയെ മധ്യസ്ഥനായി പ്രശ്ന പരിഹാര ചര്ച്ചകള് നടത്താനും നീക്കമുണ്ട്. രമേശ് ചെന്നിത്തലയുടെ മന്ത്രിസഭാ പ്രവേശനം വഴിമുട്ടിയ സാഹചര്യത്തിലാണ് ആന്റണിയെ മധ്യസ്ഥനാക്കാനുള്ള നീക്കം. പ്രശ്ന പരിഹാരത്തിന് ആന്റണി ഇടപെടണമെന്ന് ഉമ്മന് ചാണ്ടിയും ആവശ്യപ്പെട്ടു. ഇക്കാര്യം അദ്ദേഹം മുകുള് വാസ്നിക്കിനെ അറിയിച്ചു
പുനഃസംഘടനയുമായി ബന്ധപ്പെട്ട് തന്നെ അപമാനിക്കുന്ന രീതിയിലാണ് മുമ്പ് ചര്ച്ചകള് നടന്നതെന്നും അതിനാല് ഇക്കാര്യത്തില് താന് മുന്കൈ എടുത്ത് ഇനി ചര്ച്ച നടത്തില്ലെന്നുമാണ് ചെന്നിത്തലയുടെ നിലപാട്. സോളാര്പ്രശ്നം വഷളായിരിക്കേ മന്ത്രിസഭയില് ചേരുന്നത് രാഷ്ട്രീയമായി തിരിച്ചടിയാകുമെന്നും അദ്ദേഹം കരുതുന്നു.
https://www.facebook.com/Malayalivartha
