കോമൺ യൂണിവേഴ്സിറ്റി എൻട്രൻസ് ടെസ്റ്റ് അണ്ടർ ഗ്രാജ്വേറ്റ് (സി.യു.ഇ.ടി യു.ജി) പരീക്ഷയുടെ പ്രൊവിഷണൽ ഉത്തരസൂചികയിൽ അപാകതകളെന്ന് പരാതി.

രാജ്യത്തെ കേന്ദ്ര, സംസ്ഥാന സർവകലാശാലകളിൽ ബിരുദ പ്രവേശനം നേടുന്നതിനായുള്ള പരീക്ഷയാണിത്. ഉത്തരസൂചികയിലെ ചോദ്യ ഐ.ഡിയും ഉത്തരക്കടലാസിലെ ശരിയുത്തരമുള്ള ഓപ്ഷൻ ഐ.ഡിയും ചേരുംപടി ചേരുന്നില്ലെന്നാണ് പരാതിയിലുളളത്. പരാതികൾ പരിശോധിക്കുമെന്ന് എൻ.ടി.എ പ്രതികരിച്ചു.

ജൂൺ 9നാണ് പ്രൊവിഷണൽ ഉത്തരസൂചിക പുറത്തുവിട്ടത്. പിഴവുകൾ പരിഹരിച്ച ശേഷം അന്തിമ ഉത്തരസൂചിക പുറത്തുവിടുമെന്ന് സൂചന.