ഫേസ്ബുക്ക് കുറിപ്പിലൂടെ സന്തോഷ് പണ്ഡിറ്റ് തന്റേതായ നിരീക്ഷണങ്ങളും അഭിപ്രായങ്ങളുമെല്ലാം ആരാധകരുമായി പങ്കുവയ്ക്കാറുണ്ട്. ഇത്തവണ അദ്ദേഹം പങ്കുവച്ചിരിക്കുന്നത് ക്രിക്കറ്റ് നിരീക്ഷണമാണ്. അടുത്ത ഐപിഎൽ വരട്ടെ , ഇന്ന് നനഞ്ഞ പടക്കങ്ങളായി തോന്നിയ ഇന്ത്യൻ കളിക്കാരുടെ മാസ്മരിക പ്രകടനങ്ങൾ നിങ്ങൾക്ക് കാണാനാകുമെന്നാണ് അദ്ദേഹം പറയുന്നത്.

ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ; പണ്ഡിറ്റിൻ്റെ ക്രിക്കറ്റ് നിരീക്ഷണം എൻ്റെ ഇന്നലത്തെ പ്രവചനം ശരിയായി ട്ടോ .. അങ്ങനെ ഓസ്‌ട്രേലിയ ജയിച്ചു T20 ലോകകപ്പ് അടിച്ചു . 8 വിക്കറ്റ് ജയമാണ് നേടിയത് . ഫസ്റ്റ് ബാറ്റിംഗ് കിട്ടിയാൽ 210+ അടിക്കണമെന്ന് ഞാൻ ഇന്നലെ ഉപദേശിച്ചിരുന്നു .

പക്ഷേ 172/4 മാത്രമാണ് ന്യൂസിലാന്റ് നേടിയത് . ഗുപ്റ്റിൽ ജി 35 പന്തിൽ സാവധാനം നേടിയ 28 റൺസ് ആണ് അവർക്കു പാരയായത് . ജെ ഹാസിൽവുഡ് ജി വെറും 16 റൺസ് വിട്ടു കൊടുത്തു 3 വിക്കറ്റുകൾ എടുത്തതാണ് നിർണായകം ആയത് . കൂടെ മർഷ് ജിയുടെ 77*,വാർണർ ജി 53, മാക്സ്വെൽ ജിയുടെ 28* എല്ലാം പൊളിച്ചു . പാവംകെയ്ൻ വില്യംസൺ ജിയുടെ 48 പന്തിൽ 85 റൺസ് പാഴായി പോയി. ഓസ്‌ട്രേലിയ ടീമിന് എല്ലാ ആശംസകളും നേരുന്നു.

( വാൽകഷ്ണം .. അടുത്ത ഐപിഎൽ വരട്ടെ , ഇന്ന് നനഞ്ഞ പടക്കങ്ങളായി തോന്നിയ ഇന്ത്യൻ കളിക്കാരുടെ മാസ്മരിക പ്രകടനങ്ങൾ നിങ്ങൾക്ക് കാണാനാകും .. നടക്കട്ടെ .. ഇനിയെങ്കിലും ചില സീനിയർ താരങ്ങൾക്കു T20യിൽ നിന്നും വിശ്രമം കൊടുത്തു , ന്യൂ ജനറഷൻ പിള്ളേർക്ക് അവസരം കൊടുത്താൽ നമ്മൾ പൊളിക്കും എന്നാണു എന്റെ നിരീക്ഷണം . )

നേരത്തെ അദ്ദേഹം പങ്കു വച്ച കുറിപ്പിൽ പറഞ്ഞിട്ടുള്ളത് ന്യൂസിലാൻഡ് നല്ലൊരു ടീമാണെന്നാണ് . മുന്നിൽ നിന്നും നയിക്കുന്ന അവരുടെ ക്യാപ്റ്റനും , കിടിലൻ ബൗളേഴ്‌സ് അവർക്കു മുതൽക്കൂട്ടാണ് . പക്ഷേ ബാറ്റിങ്ങിലെ ശക്തിയിൽ ഓസ്ട്രേലിയ മുന്നിലാണ് എന്നാണു തന്റെ നിരീക്ഷണമെന്നാണ് അദ്ദേഹം പറയുന്നത് .

അതിനാൽ 60% സാധ്യത അവർക്കു നൽകും .ഫസ്റ്റ് ബാറ്റിംഗ് കിട്ടുന്നവർ 210+ എടുത്താൽ safe ആകും . പാകിസ്ഥാനും , ന്യൂസിലാൻഡ് ടീമുകൾക്ക് പകരം സ്കോട്ലൻഡ് നമീബിയ നിലവാരം ഉള്ള രണ്ട് ടീമുകൾ ഗ്രൂപ്പിൽ ഉണ്ടായിരുന്നെങ്കിൽ ഇന്ത്യ സെമിയിൽ വന്നേനെയെന്നും അദ്ദേഹം പറഞ്ഞിരുന്നു.