സംസ്ഥാനത്ത് രണ്ട് ദിവസം കൂടി ശക്തമായ മഴ... മധ്യകേരളത്തിലും വടക്കന് കേരളത്തിലും മഴ കനത്തേക്കും, മലയോര മേഖലകളില് ജാഗ്രത നിര്ദ്ദേശം, എട്ട് ജില്ലകളില് യെല്ലോ അലര്ട്ട്
സംസ്ഥാനത്ത് രണ്ട് ദിവസം കൂടി ശക്തമായ മഴ ലഭിക്കും. വടക്കന് ജില്ലകളില് ശക്തമായ മഴയും തെക്കന് ജില്ലകളില് സാധാരണ രീതിയിലുള്ള മഴയും. മദ്ധ്യ കിഴക്കന് അറബിക്കടലില് നിന്ന് പടിഞ്ഞാറന് ബംഗാള് ഉള്ക്കടല് വരെ ന്യുനമര്ദ്ദപാത്തി നിലനില്ക്കുന്നതിനാലും ബംഗാള് ഉള്ക്കടലിലെ ചക്രവാതചുഴിയുടെ സ്വാധീനത്താലുമാണ് സംസ്ഥാനത്ത് മഴ ലഭിക്കുന്നത്.
ഇന്ന് അറബിക്കടലില് പുതിയ ന്യൂനമര്ദ്ദം രൂപപ്പെടുമെങ്കിലും കേരളത്തെ കാര്യമായി ബാധിക്കില്ല. വ്യാഴ്ചയ്ക്ക് ശേഷം മഴ കുറയും.യെല്ലാ അലര്ട്ട്കോട്ടയം, എറണാകുളം, ഇടുക്കി, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട്
ഇടിമിന്നലിനും ശക്തമായ കാറ്റിനും സാധ്യതയുണ്ട്. പൊതുജനങ്ങള്ജാഗ്രത പാലിക്കണമെന്ന് സംസ്ഥാന ദുരന്തനിവാരണ അതോറിറ്റി നിര്ദ്ദേശിച്ചു.
ബുധനാഴ്ച്ചയോടെ മധ്യ കിഴക്കന് അറബികടലില് ഗോവ മഹാരാഷ്ട്ര തീരത്ത് പുതിയ ന്യൂന മര്ദ്ദം രൂപപ്പെടാന് സാധ്യതയെന്നും പ്രവചനം. കേരളത്തിനൊപ്പം തമിഴ്നാട്, കര്ണ്ണാടക, ആന്ധ്രാപ്രദേശ്, ഗോവ സംസ്ഥാനങ്ങളില് വ്യാഴാഴ്ച വരെ ഒറ്റപ്പെട്ട കനത്ത മഴപെയ്യും എന്നാണ് മുന്നറിയിപ്പ്. മഹാരാഷ്ട്രയിലും ആന്ഡമാന് ദ്വീപുകളിലും കനത്ത മഴയ്ക്ക് സാധ്യത എന്നും മുന്നറിയിപ്പുണ്ട്.
അതേസമയം തമിഴ്നാട് കന്യാകുമാരി ജില്ലയില് രൂക്ഷമായ പ്രളയം തുടരുകയാണ്. നാല് ദിവസമായി തുടരുന്ന കനത്ത മഴയും പെരുഞ്ചാ നി, പുത്തന് അണക്കെട്ടുകള് തുറന്നതുമാണ് ജില്ലയിലെ പ്രളയത്തിന് കാരണം
. 12000 ക്യുസെക്സ് വെള്ളമാണ് ഇരു ഡാമുകളില് നിന്നും നിന്നും പുറത്തേയ്ക്ക് ഒഴുക്കുന്നത്. ഡാമുകളുടെ കനാല് പ്രദേശങ്ങളില് താമസിക്കുന്ന മുഴുവന് ആളുകളെയും മാറ്റി പാര്പ്പിച്ചു.
65 ദുരിതാശ്വാസ ക്യാംപുകളിലായി 3150 പേരാണ് നിലവില് കഴിയുന്നത്. ഹെക്ടര് കണക്കിന് പ്രദേശത്തെ കാര്ഷിക വിളകള് നശിച്ചു. വെള്ളം കയറിയതും മണ്ണിടിച്ചിലും കാരണം നിരവധി വീടുകള്ക്കും കെട്ടിടങ്ങള്ക്കും കേടുപാടുകള് സംഭവിച്ചു. ചെന്നൈയില് വെള്ളക്കെട്ട് പൂര്ണമായും പരിഹരിക്കാന് ഇനിയും സാധിച്ചിട്ടില്ല.
കനത്ത മഴ തുടരുന്ന സാഹചര്യത്തില് ഇന്ന് നാല് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ജില്ലാ കളക്ടര്മാര് അവധി പ്രഖ്യാപിച്ചു....ഇന്ന് നടത്താനിരിക്കുന്ന പൊതുപരീക്ഷകള്, ഓണ്ലൈന് ക്ലാസുകള് എന്നിവയ്ക്ക് അവധി ബാധകമല്ല
"
https://www.facebook.com/Malayalivartha
