നീരൊഴുക്ക് ശക്തമായതിനെ തുടര്‍ന്ന് മുല്ലപ്പെരിയാര്‍ അണക്കെട്ടിലും ഇടുക്കി ജലസംഭരണിയിലും ജലനിരപ്പ് വീണ്ടും ഉയര്‍ന്നു. 140.45 അടിയാണ് മുല്ലപ്പെരിയാര്‍ അണക്കെട്ടിലെ നിലവിലെ ജലനിരപ്പ്. സെക്കന്‍ഡില്‍ 2300 ഘനയടിയാണ് അണക്കെട്ടിലേക്ക് ഒഴുകിയെത്തുന്നത്.

സെക്കന്‍ഡില്‍ 2300 ഘനയടി ജലമാണ് തമിഴ്‌നാട് വൈഗ ഡാമിലേക്ക് ഒഴുക്കുന്നത്. റൂള്‍ കര്‍വ് പ്രകാരം അനുവദനീയ പരിധിയായ 141 അടിയിലേക്ക് ഉയരുന്ന സാഹചര്യത്തില്‍ സ്പില്‍വേ ഷട്ടര്‍ തുറക്കും. ജലനിരപ്പ് 141 അടി എത്തുന്നതോടെ രണ്ടാമത്തെ മുന്നറിയിപ്പ് തമിഴ്‌നാട് പുറപ്പെടുവിക്കും.

ഇടുക്കി അണക്കെട്ടിലെ ജലനിരപ്പ് 2399.16 അടിയിലേക്ക് ഉയര്‍ന്നിട്ടുണ്ട്. ജലസംഭരണിയില്‍ 1393.327 ഘനയടി ജലമാണ് നിലവിലുള്ളത്. സംഭരണശേഷിയുടെ 95.46 ശതമാനം വരുമിത്.

40 സെന്റീമീറ്റര്‍ ഉയര്‍ത്തിയ മൂന്നാം ഷട്ടറിലൂടെ സെക്കന്‍ഡില്‍ 40,000 ലിറ്റര്‍ (40 ഘനയടി) ജലമാണ് പെരിയാറിലേക്ക് ഒഴുക്കിവിടുന്നത്.