തിരുവനന്തപുരത്ത് മോഷണക്കേസ് പ്രതി ഇരുപതു വര്ഷങ്ങള്ക്കു ശേഷം പിടിയില്... 36പവന് സ്വര്ണാഭരണങ്ങള് മോഷണം ചെയ്ത കേസിലാണ് അറസ്റ്റ്
തിരുവനന്തപുരത്ത് മോഷണക്കേസ് പ്രതി ഇരുപതു വര്ഷങ്ങള്ക്കു ശേഷം പിടിയില്... 36പവന് സ്വര്ണാഭരണങ്ങള് മോഷണം ചെയ്ത കേസിലാണ് അറസ്റ്റ്.
്ജവഹര് നഗര് ചരുവിളാകത്ത് പുത്തന്വീട്ടില് കലകുമാറി(57)നെയാണ് ക്രൈംബ്രാഞ്ച് സംഘം അറസ്റ്റ് ചെയ്തത്. ശാസ്തമംഗലത്തു താമസിച്ചിരുന്ന തമിഴ്നാട് സ്വദേശി സൂര്യനാരായണന്റെ വീട്ടില്നിന്ന് 36 പവന് സ്വര്ണാഭരണങ്ങള് മോഷണം ചെയ്ത കേസിലാണ് ഇയാള് അറസ്റ്റിലായത്.
1999ല് ആണ് കേസിനാസ്പദമായ സംഭവം നടന്നത്. മ്യൂസിയം പോലീസ് രജിസ്റ്റര് ചെയ്ത കേസിന്റെ അന്വേഷണം പിന്നീട് ക്രൈംബ്രാഞ്ചിനു കൈമാറിയിരുന്നു.
കേസുമായി ബന്ധപ്പെട്ടു നിരവധി മോഷണക്കേസ് പ്രതികളെ ചോദ്യം ചെയ്തെങ്കിലും ഒരു തുമ്പു പോലും കിട്ടിയിരുന്നില്ല. അതേസമയം, അന്വേഷണം നടക്കവെ സൂര്യനാരായണന്റെ വീട്ടില്നിന്നു കലകുമാറിന്റെ ഫിംഗര് പ്രിന്റ് നേരത്തെ ലഭിച്ചിരുന്നു. ഇതിന്റെ റിപ്പോര്ട്ട് ലഭിച്ചതിനെത്തുടര്ന്ന് ഇയാളിലേക്ക് അന്വേഷണം പുരോഗമിക്കവെ പ്രതി സ്ഥലത്തുനിന്നു മുങ്ങി.
ഇയാളെക്കുറിച്ചു സൂചന ലഭിച്ചതിനെത്തുടര്ന്ന് അറസ്റ്റ് ചെയ്യുകയായിരുന്നു. ജവഹര്നഗര്, ശാസ്തമംഗലം പ്രദേശത്തു നിരവധി മോഷണ കേസുകളില് ഇയാള് പ്രതിയാണെന്ന് അന്വേഷണത്തില് കണ്ടെത്തിയെന്നു ക്രൈംബ്രാഞ്ച് വ്യക്തമാക്കി.ആറു മോഷണ കേസുകള് തെളിഞ്ഞു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
"
https://www.facebook.com/Malayalivartha
