തൊടുപുഴയില് നിയന്ത്രണം വിട്ട ബൈക്ക് മതിലിലിടിച്ച് എന്ജിനിയറിംഗ് വിദ്യാര്ത്ഥിക്ക് ദാരുണാന്ത്യം
തൊടുപുഴയില് നിയന്ത്രണം വിട്ട ബൈക്ക് മതിലിലിടിച്ച് എന്ജിനിയറിംഗ് വിദ്യാര്ത്ഥിക്ക് ദാരുണാന്ത്യം. അല്- അസ്ഹര് പോളിടെക്നിക് കോളേജിലെ അവസാന വര്ഷ മെക്കാനിക്കല് എന്ജിനിയറിംഗ് വിദ്യാര്ത്ഥി ആലപ്പുഴ പുതുപള്ളി ഗോവിന്ദമുട്ടം പാലമൂട്ടില് ശങ്കരന്പിള്ളയുടെയും രാജേശ്വരിയുടെയും മകന് എസ്. ഉണ്ണിക്കുട്ടനാണ് (20) മരിച്ചത്.
ഇന്നലെ ഉച്ചയ്ക്ക് 12.50ന് കോളേജിന് സമീപമായിരുന്നു അപകടം നടന്നത്. ഉണ്ണിക്കുട്ടനും സഹപാഠിയായ കായംകുളം സ്വദേശി ആരോമലും കോളേജിന് സമീപത്ത് തന്നെയുള്ള റൂമിലേക്ക് ഭക്ഷണം കഴിക്കാനായി ബൈക്കില് പോവുകയായിരുന്നു.
ഇതിനിടെ ഇടവഴിയില് നിന്ന് മെയിന് റോഡിലേക്ക് അപ്രതീക്ഷിതമായി കാറെത്തിയപ്പോള് ബൈക്ക് നിയന്ത്രണം വിട്ട് റോഡരികിലെ മതിലിലില് ഇടിക്കുകയായിരുന്നു.
തലയ്ക്ക് ഗുരുതരമായി പരിക്കേറ്റ ഉണ്ണിക്കുട്ടനെ ഉടന് തൊടുപുഴ ജില്ലാ ആശുപത്രിയിലെത്തിച്ചെങ്കിലും രക്ഷിക്കാനായില്ല. ആരോമല് നിസാര പരിക്കുകളോടെ രക്ഷപ്പെട്ടു.
ഇതിനിടയില് ചികിത്സിക്കാന് വൈകിയെന്ന് ആരോപിച്ച് ഉണ്ണിക്കുട്ടന്റെ സഹപാഠികള് ആശുപത്രിയില് പ്രതിഷേധിച്ചു. മൃതദേഹം മോര്ച്ചറിയില്. സംസ്കാരം പിന്നീട്.
"
https://www.facebook.com/Malayalivartha
