പള്ളി തര്ക്കം പരിഗണിക്കുന്ന ബഞ്ചില് നിന്ന് ജസ്റ്റിസ് ദേവന് രാമചന്ദ്രനെ മാറ്റാന് സര്ക്കാര് സഹായത്തോടെ സഭകളുടെ നീക്കമെന്ന് നിയമ വൃത്തങ്ങള്...
പള്ളി തര്ക്കം പരിഗണിക്കുന്ന ബഞ്ചില് നിന്ന് ജസ്റ്റിസ് ദേവന് രാമചന്ദ്രനെ മാറ്റാന് സര്ക്കാര് സഹായത്തോടെ സഭകളുടെ നീക്കമെന്ന് നിയമ വൃത്തങ്ങള്. എന്നാല് ഉമ്മാക്കി കാണിച്ച് പേടിപ്പിക്കരുതെന്നാണ് ജസ്റ്റിസ് ദേവന് രാമചന്ദ്രന്റെ വാദം. സര്ക്കാരിനെതിരെ അതിശക്തമായി പലപ്പോഴും നിലപാടെടുക്കുന്ന ന്യായാധിപനാണ് ദേവന് രാമചന്ദ്രന്.
ഓര്ത്തഡോക്സ് - യാക്കോബായ സഭാ തര്ക്ക കേസുകള് പരിഗണിക്കുന്നതില് നിന്ന് ജസ്റ്റിസ് ദേവന് രാമചന്ദ്രന് പിന്മാറണമെന്ന് യാക്കോബായ സഭ അഭിഭാഷകന് ആവശ്യപ്പെട്ടത്തി തികച്ചും യാദൃച്ഛികമായല്ല. ഇതിന് പിന്നില് വലിയ റാക്കറ്റുണ്ടെന്നാണ് കരുതുന്നത്. സുപ്രീം കോടതി ഉത്തരവ് നടപ്പിലാക്കാതിരിക്കാനാണ് സര്ക്കാരും സഭകളും ശ്രമിക്കുന്നത്.
യാക്കോബായ സഭയ്ക്ക് വേണ്ടി ഹാജരാകുന്ന അഡ്വ. മാത്യുസ് നെടുമ്പാറയാണ് ഇന്നലെ കേസ് പരിഗണിക്കവെ ഹൈക്കോടതിയില് ഈ ആവശ്യം ഉന്നയിച്ചത്. അനുമതിയില്ലാതെ വാദത്തില് ഇടപെട്ടാല് മാത്യൂസ് നെടുമ്പാറയ്ക്കെതിരെ നടപടി സ്വീകരിക്കേണ്ടി വരുമെന്ന് ജസ്റ്റിസ് ദേവന് രാമചന്ദ്രന് മുന്നറിയിപ്പ് നല്കി.
കേസില് കക്ഷി ചേരാനുള്ള മാത്യൂസ് നെടുമ്പാറയുടെ അപേക്ഷ അംഗീകരിക്കരുതെന്ന് ഓര്ത്തഡോക്സ് സഭ ആവശ്യപ്പെട്ടു. നെടുമ്പാറയുടെ കക്ഷി യാക്കോബായ സഭ ഇടവകാംഗമല്ലെന്നും ഓര്ത്തഡോക്സ് വിഭാഗം വാദിച്ചു. സഭാ തര്ക്കക്കേസുകള് വീണ്ടും വാദം കേള്ക്കാനായി ഹൈക്കോടതി ഈ മാസം 24 ലേക്ക് മാറ്റി.
പള്ളിയില് പ്രവേശിക്കാന് പൊലീസ് സംരക്ഷണമാവശ്യപ്പെട്ടുള്ള ഹര്ജികളാണ് ജസ്റ്റിസ് ദേവന് രാമചന്ദ്രന്റെ മുന്നിലുള്ളത്. പള്ളിത്തര്ക്കം സംബന്ധിച്ചുള്ള സുപ്രീം കോടതി വിധി നടപ്പിലാക്കാന് സര്ക്കാര് ബാധ്യസ്ഥമാണെന്നും, ചര്ച്ചകളിലൂടെ ഇരു സഭകളും ഉചിതമായ തീരുമാനമെടുക്കണമെന്നുമാണ് കോടതിയുടെ നേരത്തെയുള്ള നിലപാട്. ജഡ്ജിമാരെ ഭയപ്പെടുത്തി കേസ് പരിഗണിക്കുന്നതില് നിന്ന് പിന്മാറാന് ചിലര് ശ്രമിക്കുന്നതായി ജസ്റ്റിസ് ദേവന് രാമചന്ദ്രന് നേരത്തെ പറഞ്ഞിരുന്നു. എന്ത് സംഭവിച്ചാലും കേസ് പരിഗണിക്കുന്നതില് നിന്ന് പിന്മാറില്ലെന്നും ജസ്റ്റിസ് ദേവന് രാമചന്ദ്രന് നേരത്തെ വ്യക്തമാക്കിയിട്ടുണ്ട്.
പള്ളി തര്ക്കം തീര്ക്കാന് പൊലീസിനെ ഉപയോഗിക്കാത്തത് ദൗര്ബല്യമായി കണക്കാക്കരുതെന്ന് ഹൈക്കോടതി പറഞ്ഞു
ഓര്ത്തഡോക്സ് - യാക്കോബായ പള്ളിത്തര്ക്ക വിഷയം പരി?ഗമിക്കവേ കഴിഞ്ഞ ആഴ്ച കോടതിരൂക്ഷ വിമര്ശനം നടത്തിയിരുന്നു. പൊലീസിനെ ഉപയോഗിച്ചേ മതിയാകൂവെന്നതാണ് ഒരു വിഭാഗത്തിന്റെ താല്പര്യം. കോടതി അത്തരം നിലപാടിലേക്ക് കടക്കാത്തത് ദൗര്ബല്യമായി കണക്കാക്കരുതെന്നും അന്ന് ജസ്റ്റിസ് ദേവന് രാമചന്ദ്രന് പറഞ്ഞിരുന്നു. 1934 ലെ ഭരണഘടനയില് പങ്കാളിത്ത ഭരണമാണ് നിഷ്കര്ഷിച്ചിട്ടുള്ളത്. എന്തുകൊണ്ട് 34-ലെ ഭരണഘടന അംഗീകരിക്കാന് തയ്യാറാകുന്നില്ലെന്നും അന്ന് കോടതി ചോദിച്ചിരുന്നു.
കേരള സര്ക്കാരിന്റെ പിന്തുണ യാക്കോബായ സഭയ്ക്കാണ്. ഓര്ത്തഡോക്സ് സഭയുടെ പിന്തുണ സര്ക്കാരിനുണ്ടായിരുന്നു. എന്നാല് ഒരു ഘട്ടത്തില് സഭയും സര്ക്കാരും തമ്മില് തെറ്റി. ഇപ്പോള് യാക്കോയപ്പൊമാണ് സര്ക്കാര്. സുപ്രീം കോടതി ഉത്തരവ് നടപ്പിലാക്കാതിരിക്കാനാണ് കേരള സര്ക്കാര് ശ്രമിക്കുന്നത്. അതിന് ജസ്റ്റിസ് ദേവന് രാമചന്ദ്രന് ബഞ്ചിലുണ്ടെങ്കില് നടക്കില്ല.ബഞ്ച് മാറ്റി കിട്ടിയാല് ഉത്തരവ് നടപ്പിലാക്കാതിരിക്കാമെന്ന് സര്ക്കാര് കരുതുന്നു.
"
https://www.facebook.com/Malayalivartha
