സീരിയൽ താരങ്ങളായ ജിഷിൻ മോഹന്റെയും വരദയുടെയും മകൻ ജിയാൻ സോഷ്യൽ മീഡിയയിൽ ഒരു താരമാണ്. മകന്റെ കുസൃതി വിഡിയോകൾ ജിഷിൻ സമൂഹമാധ്യമ പേജിലൂടെ ആരാധകർക്കായി പങ്കുവയ്ക്കാറുണ്ട്. പുതിയതായി ഇൻസ്റ്റഗ്രാമിലൂടെ പങ്കു വച്ചിരിക്കുന്ന വീഡിയോ ഇപ്പോൾ ആരാധകർക്കും വളരെയധികം രസകരമാകുകയാണ്.

മകൻ കുസൃതി കാണിച്ചതിന് പിണങ്ങിയിരിക്കുന്ന അച്ഛന്റെ പിണക്കം മാറ്റുന്ന ജിയാന്റ വിഡിയോയാണ് പോസ്റ്റ് ചെയ്‌തിരിക്കുന്നത്. ‘കുരുത്തക്കേടിന്റെ കൂടാരമാണ് ഈ ഇരിക്കുന്നത്. അവൻ കുരുത്തക്കേട് കാട്ടിയതിനു പിണങ്ങി ഇരുന്ന എന്നെ, ഇഷ്ടമുള്ള പാട്ട് കേൾപ്പിച്ച് പിണക്കം മാറ്റുന്ന പ്രോസസ്സ് ആണ് ഈ നടന്നുകൊണ്ടിരിക്കുന്നത്. ലവ് യു മൈ മിനിയേച്ചർ’ എന്ന കുറിപ്പാണ് ജിഷിൻ പങ്കുവച്ചത്.

ലോക്ഡൗൺ സമയം ജിഷിനൊപ്പം ചെയ്ത വിഡിയോയിലൂടെയാണ് ഈ കുട്ടിക്കുറുമ്പന് താരമായി മാറിയത്. മകൻ വന്നപ്പോൾ തങ്ങളുടെ ലോകം തന്നെ അവനായി മാറിയെന്ന് ജിഷൻ പറഞ്ഞിട്ടുണ്ട് . ജിയാന്റെ വിഡിയോകൾ ആരാധകർ ഇതിനോടകം കണ്ടു കഴിഞ്ഞിരിക്കുന്നു.

മകൻ ജിമ്മിൽ വ്യായാമം ചെയ്യുന്ന ഒരു വിഡിയോ താരം പങ്കുവച്ചിട്ടുണ്ട്. ‘ഇവൻ കാണിക്കുന്നതിന്റെ പത്തിലൊന്നു ചെയ്തിരുന്നെങ്കിൽ എന്റെ വയറ് കുറഞ്ഞേനെയെന്നും ഇവനാണ് എന്റെ മോട്ടിവേഷനെന്നും ജിഷിൻ പറഞ്ഞിട്ടുണ്ട് .

സോഷ്യൽ മീഡിയയിൽ സജീവസാന്നിധ്യമായ ജിഷിൻ തന്റെയും കുടുംബത്തിന്റെയും പുതിയ വിശേഷങ്ങളും ചിത്രങ്ങളുമൊക്കെ സോഷ്യൽ മീഡിയയിൽ പങ്കുവയ്ക്കാറുമുണ്ട്. പുതിയ വീഡിയോ ഏതായാലും ആരാധകർ ഇരു കയ്യും നീട്ടി സ്വീകരിച്ചിരിക്കുകയാണ്.