കാർഷിക നിയമം പിൻവലിച്ച വിഷയത്തിൽ പ്രതികരണവുമായി രംഗത്ത് വന്നിരിക്കുകയാണ് സന്തോഷ് പണ്ഡിറ്റ്. അദ്ദേഹത്തിന്റെ ഫേസ്ബുക്ക് കുറിപ്പ് ഇങ്ങനെ; പണ്ഡിറ്റിന്റെ രാഷ്ട്രീയ നിരീക്ഷണം.കേന്ദ്ര സർക്കാർ മുമ്പ് പാസാക്കിയ കാർഷിക നിയമത്തിൽ മൂന്നു നിയമങ്ങൾ പിൻവലിച്ചല്ലോ .പഞ്ചാബിൽ നിയമസഭാ എലെക്ഷൻ വരികയാണല്ലോ .

ഈ സാഹചര്യത്തിൽ അവിടെ സമരം ചെയ്യുന്ന ഒരു വിഭാഗം കർഷകരെ സന്തോഷിപ്പിക്കുവാൻ , സിഖ് സമുദായത്തിന്റെ അഭ്യർഥന പ്രകാരം ,ഈ വിവാദ നിയമങ്ങൾ പിൻവലിയ്ക്കാൻ പ്രധാനമന്ത്രിയുമായി ചർച്ചകൾ നടത്തിയത് മുൻ മുഖ്യമന്ത്രി ക്യാപ്റ്റൻ അമിരീന്ദർ സിംഗ് ജി ആയിരുന്നു . കോൺഗ്രസ് പാർട്ടി വിട്ടു പുതിയ പാർട്ടി ഉണ്ടാക്കിയ അദ്ദേഹത്തിന്

എന്നാലേ ബിജെപിയുമായി സഖ്യം ഉണ്ടാക്കുവാൻ പറ്റൂ എന്ന് തീർത്തു പറഞ്ഞിട്ടുണ്ടാകും. അതാകാം പിൻവലിച്ചത് . കൂടെ പിണങ്ങിപ്പോയ അകാലിദളും തിരിച്ചു വരും . കഴിഞ്ഞ നിയമസഭയിൽ ഭേദപ്പെട്ട പ്രകടനം കാഴ്ചവെച്ച ആം ആദ്മി പാർട്ടിക്കാണ് ഈ നിയമങ്ങൾ ഇപ്പോൾ പിൻവലിച്ചതിൽ വലിയ നഷ്ടം ഉണ്ടാവുക . കാർഷിക നിയമങ്ങൾ തുടങ്ങിയത് മുതൽ ഡൽഹിക്കു കൂടെ പഞ്ചാബിലും എഎപി വളർത്തുവാൻ ഈ സുവർണാവസരം കെജ്രിവാൾ ജി നന്നായി ഉപയോഗിച്ചിരുന്നു .

പഞ്ചാബിൽ മുമ്പ് സമരം ചെയ്യുന്ന കർഷകരെ ഡൽഹിയിൽ വെച്ച് സമരം ചെയ്യുവാൻ ആകർഷിപ്പിക്കുകയും എല്ലാ സൗകര്യങ്ങളും ചെയ്തു കൊടുക്കുകയും ചെയ്തു . ഇതിലൂടെ ഇനി വരുന്ന പഞ്ചാബ് എലെക്ഷനിൽ കരുത്തരായ കോൺഗ്രസ് പാർട്ടി തകർത്തു ഭരണം കിട്ടും എന്നും എഎപി സ്വപ്നം കണ്ടു . അവരുടെ ഭാഗ്യത്തിന് അവിടെ കോൺഗ്രസ് പാർട്ടി തന്നെ അമരീന്ദർജി യും , സിദ്ധു ജിയും ചേർന്ന് പിളർത്തുകയും, കഷ്ടപ്പെട്ട് പാർട്ടി ഉണ്ടാക്കിയ ഇമേജ് തകർക്കുകയും ചെയ്തു .

വിവാദ കാർഷിക നിയമങ്ങൾ പിൻവലിച്ചതോടെ പഞ്ചാബ് എലെക്ഷൻ കൂടുതൽ സങ്കീര്ണമായിരിക്കുകയാണ് . കോൺഗ്രസ് , എഎപി യും തമ്മിലുള്ള യുദ്ധം എന്നത് മാറി കൂടെ പതുക്കെ ബിജെപിയുടെ ചിറകിലേറി അമരീന്ദർ ജിയും ഒരു കൈ നോക്കും . എങ്കിലും നിർണായക ഘട്ടത്തിൽ സഹായിച്ച കെജ്രിവാൾ ജിയുടെ ആം ആദ്മി ഈ എലെക്ഷനിൽ കുറെ വോട്ട് ലഭിക്കും എന്നും , ഭരിക്കുവാനുള്ള ലീഡ് ഇല്ലെങ്കിലും നിർണായക ശക്തിയായി പഞ്ചാബിൽ മാറും എന്നുമാണ് എന്റെ നിരീക്ഷണം .

ഇതുവരെ നടന്ന സമരങ്ങൾ അവർക്കു (ആം ആദ്മി പാർട്ടിക്ക് ) പാർട്ടി വളർത്തുവാൻ ഗുണം ചെയ്തേക്കാം . സിദ്ധു ജിയുടെ നേതൃത്വത്തിൽ പുതിയ വിഷയങ്ങൾ പറഞ്ഞു നന്നായി ഐക്യത്തോടെ ഇറങ്ങിയില്ലെങ്കിൽ കോൺഗ്രസ് അധികാരത്തിൽ തിരിച്ചു വരവ് ഉണ്ടാകില്ല . നിലവിലെ മുഖ്യനുമായുള്ള എല്ലാ പ്രശ്നങ്ങളും പരിഹരിക്കുകയും വേണം . കോൺഗ്രസ് ഭരണ തുടർച്ച പ്രയാസമാണ് .

ഇനി ബിജെപി കൂടി രംഗത്ത് വന്നാൽ ത്രിശങ്കു സഭക്കും സാധ്യത കാണുന്നു . കാർഷിക നിയമങ്ങൾ പിൻവലിച്ചതിനാൽ ബുദ്ധിപൂർവം വലിയ വാഗ്ദാനങ്ങൾ നൽകി ജനങ്ങളെ കൈയ്യിലെടുക്കുവാൻ കോൺഗ്രസ് ശ്രമിച്ചാൽ ചിലപ്പോൾ ഭരണ തുടർച്ച കിട്ടാം . ഒന്നുമില്ലെങ്കിലും ഇപ്പോഴും അധികാരത്തിൽ ഉള്ളതിന്റെ അഡ്വാൻറ്റേജ് മാക്സിമം ഉപയോഗിക്കുക . ചിലപ്പോൾ.

കർഷകർക്ക് അവരുടെ ഉൽപ്പന്നങ്ങൾ, മണ്ടിയിൽ ആണോ അല്ലാതെ കൊടുക്കുന്നതാണോ നല്ലത് എന്ന് ചർച്ച ചെയ്യുവാൻ ഒരു അവസരം കിട്ടി എന്നത് മാത്രമാണ് ഇതുകൊണ്ടു ഇതുവരെ കിട്ടിയ ഒരു ഗുണം . (വാൽകഷ്ണം ... ഞാൻ ആദ്യമായാണ് കേന്ദ്രം എടുത്ത ഒരു തീരുമാനം പിൻവലിച്ചതായി അറിയുന്നത് .

ഇനി ശരിക്കുള്ള കർഷകർ നിയമം പിൻവലിച്ചതിന്റെ പേരിൽ സമരത്തിന് വരുമോ എന്നും , അങ്ങനെ സംഭവിച്ചാൽ പ്രതിപക്ഷ പാർട്ടികൾ എന്ത് ചെയ്യും ? ഭരണ കക്ഷി എന്ത് പറയും എന്നതാണ് ഞാൻ ഒറ്റു നോക്കുന്നത് . )(പണ്ഡിറ്റൊന്നും വെറുതെ പറയാറില്ല, പറയുന്നതൊന്നും വെറുതെ ആകാറുമില്ല...പണ്ഡിറ്റിനെ പോലെ ആരും ഇല്ല).