പ്രതിദിനം അന്പതിനായിരം തീര്ത്ഥാടകര്ക്ക് ശബരിമലയില് ദര്ശനാനുമതി നല്കണമെന്ന ആവശ്യവുമായി ദേവസ്വം ബോര്ഡ് സര്ക്കാരിനെ സമീപിച്ചേക്കും.... നിലവില് മുപ്പത്തി അയ്യായിരം പേര്ക്കാണ് അനുമതി
പ്രതിദിനം അന്പതിനായിരം തീര്ത്ഥാടകര്ക്ക് ശബരിമലയില് ദര്ശനാനുമതി നല്കണമെന്ന ആവശ്യവുമായി ദേവസ്വം ബോര്ഡ് സര്ക്കാരിനെ സമീപിച്ചേക്കും. ഇപ്പോള് മുപ്പത്തി അയ്യായിരം പേര്ക്കാണ് അനുമതി. അന്പതിനായിരമാക്കിയാലും നിയന്ത്രണങ്ങള് പാലിച്ചുള്ള സുഗമമായ തീര്ത്ഥാടനത്തിന് സൗകര്യമുണ്ട്.
കൊവിഡിന് മുമ്പ് പ്രതിദിനം ഒരു ലക്ഷത്തിന് മുകളില് തീര്ത്ഥാടകര് ദര്ശനം നടത്തിയിരുന്നു. തീര്ത്ഥാടകരെ സന്നിധാനത്ത് തങ്ങാന് അനുവദിക്കാത്തതിനാലാണ് ശബരിമലയിലും പമ്പയിലും വ്യാപാര സ്ഥാപനങ്ങള് ലേലത്തില് പിടിക്കാന് വ്യാപാരികള് വിസമ്മതിക്കുന്നത്.
്ശബരിമലയിലെ നിയന്ത്രണങ്ങളില് ഇളവ് തേടി തിരുവിതാംകൂര് ദേവസ്വം ബോര്ഡ് വീണ്ടും സര്ക്കാരിനെ സമീപിക്കും. ഇന്നലെ നടന്ന ദേവസ്വം ബോര്ഡ് യോഗത്തിലാണ് തീരുമാനം. പമ്പയില് നിന്നു സന്നിധാനത്തേക്കുള്ള പരമ്പരാഗത പാത വഴി തീര്ത്ഥാടകരെ കടത്തിവിടണമെന്നതാണ് പ്രധാന ആവശ്യം.
ഇടതാവളങ്ങളിലേത് പോലെ സന്നിധാനത്തും വിരിവയ്ക്കാന് അനുവദിക്കണം. ജലനിരപ്പ് താഴുന്ന മുറയ്ക്ക് പമ്പാ സ്നാനത്തിന് അനുമതി നല്കുക തുടങ്ങിയ ആവശ്യങ്ങളാണ് ബോര്ഡ് സര്ക്കാരിന്റെ മുന്നില് വയ്ക്കുക.
കൊവിഡിന്റെ പശ്ചാത്തലത്തില് നെയ്യഭിഷേകത്തിന് ഏര്പ്പടുതിയിരിക്കുന്ന ക്രമീകരണം മാറ്റുന്ന കാര്യം ഉന്നയിക്കാന് സാദ്ധ്യതയില്ല. കഴിഞ്ഞ ആഴ്ച ശബരിമലയില് ദേവസ്വം മന്ത്രിയുടെ അദ്ധ്യക്ഷതയില് ചേര്ന്ന അവലോകന യോഗത്തില് പരമ്പരാഗത പാതയില് അടിസ്ഥാന സൗകര്യങ്ങള് ഏര്പ്പെടുത്താന് തീരുമാനിച്ചിരുന്നു.
ജോലികള് അവാസ ഘട്ടത്തിലാണെങ്കിലും തീര്ത്ഥാടകരെ കടത്തിവിടുന്ന കാര്യത്തില് അന്തിമ തീരുമാനമായിട്ടില്ല. കൊവിഡ് സാഹചര്യവും മഴയും പരിഗണിച്ചാകും ഇതില് തീരുമാനമുണ്ടാവുക. ഇന്ന് വൈകിട്ട് ദേവസ്വം മന്ത്രി കെ.രാധാകൃഷ്ണന് ശബരിമലയിലെത്തുമെന്ന് മന്ത്രിയുടെ ഓഫീസ് അറിയിച്ചിട്ടുണ്ട്. പമ്പയില് യോഗം ചേരുമെന്നും സൂചന.
"
https://www.facebook.com/Malayalivartha
