മുല്ലപ്പെരിയാര്‍ ഡാമിന്റെ രണ്ടു ഷട്ടറുകള്‍ അടച്ചു. ജലനിരപ്പില്‍ വ്യത്യാസം വന്നതോടെയാണ് രണ്ട് ഷട്ടറുകള്‍ അടച്ചത്. നിലവില്‍ അഞ്ച് ഷട്ടറുകള്‍ 30 സെന്റിമീറ്റര്‍ വീതമാണ് തുറന്നിരിക്കുന്നത്.

കഴിഞ്ഞ ദിവസം 3949.10ഘനയടി വെള്ളമാണ് സ്പില്‍ വേയിലൂടെ പുറത്തേക്ക് ഒഴുക്കിയിരുന്നത്. പെരിയാറിന്റെ ഇരുകരകളിലും താമസിക്കുന്നവര്‍ ജാഗ്രത പാലിക്കണമെന്ന് ജില്ലാ കളക്ടര്‍ മുന്നറിയിപ്പ് നല്‍കിയിട്ടുണ്ട്.

അതേസമയം മുല്ലപെരിയാര്‍ ഡാമിലെ ജലനിരപ്പ് 141.4 അടിയായതിനെ തുടര്‍ന്ന് ഏഴ് ഷട്ടറുകളാണ് ഉയര്‍ത്തിയിരുന്നത്.്. 4,000 ഘനയടി ജലമാണ് പുറത്തേക്ക് ഒഴുക്കിയിരുന്നത്.

മുല്ലപ്പെരിയാര്‍ ഡാമിലെ ജലനിരപ്പ് ക്രമാതീതമായി ഉയരുന്ന സാഹചര്യത്തില്‍ ഡാമിന്റെ സ്പില്‍വേ ഷട്ടറില്‍ നിലവില്‍ തുറന്നിരിക്കുന്ന അഞ്ച് ഷട്ടറുകള്‍ക്കു പുറമേ രണ്ടു ഷട്ടറുകള്‍ കൂടി തുറന്നിരുന്നു.

പെരിയാറില്‍ 75 സെന്റി മീറ്റര്‍ വരെ ജലം ഉയരാന്‍ സാധ്യതയു്ളളതിനാല്‍ പെരിയാര്‍ നദിയുടെ ഇരുകരകളിലും താമസിക്കുന്നവര്‍ ജാഗ്രത പാലിക്കണമെന്നും കളക്ടറുടെ മുന്നറിയിപ്പുണ്ടായിരുന്നു.