സുധീറുമാരുളള പോലീസ് സ്റ്റേഷൻ നീതിയുടെ ആത്മഹത്യ കുരുക്കുകളാണെന്ന് വിമർശിച്ച് രാഹുൽ മാങ്കൂട്ടത്തിൽ .അദ്ദേഹത്തിന്റെ വാക്കുകൾ ഇങ്ങനെ; കോൺഗ്രസ്സ് എവിടെ?പരിഹാസം നിറഞ്ഞ ഈ ചോദ്യം ചോദിക്കുന്ന വിമർശകരില്ലേ? കോൺഗ്രസ്സ് തോറ്റ് പോയി എന്ന് പറഞ്ഞ് അട്ടഹസിക്കുന്നവരില്ലേ? അവരോട് എല്ലാം പറയുന്നു, തോറ്റാലും തോറ്റാലും കോൺഗ്രസ്സ് ജനങ്ങൾക്കൊപ്പമുണ്ട്.

അവരുടെ എല്ലാ പ്രശ്നങ്ങളിലും ഇടപെട്ട് , അവർക്കൊപ്പം തന്നെയുണ്ട്. അത് കർഷക സമരമായാലും, ഇന്ധന നികുതി ഭീകരതയ്ക്കെതിരായ സമരമായാലും, ഗാർഹിക പീഢനത്തിൽ മനം നൊന്ത് ആത്മഹത്യ ചെയ്ത പെൺകുട്ടിയുടെ നീതി തേടിയുള്ള സമരത്തിലായാലും. 

ഇന്ന് രാവിലെ തന്നെ നോക്കു, ആലുവ Cl യുടെ ഓഫീസിനു മുന്നിൽ ആദ്യം MLA അൻവർ സാദത്ത് കുത്തിയിരുന്നു, അത് കഴിഞ്ഞ് ചാലക്കുടി MP ബെന്നി ബഹനാൻ എത്തി, DCC പ്രസിഡന്റ് മുഹമ്മദ് ഷിയാസ് എത്തി , പിന്നെ ഓരോരുത്തരായി എത്തി ...എന്താണ് കാര്യമെന്ന് അറിയുമോ?

ഇന്നലെയാണ് നമ്മുടെ മനസാക്ഷിയെ ഞെട്ടിച്ചു കൊണ്ട് മോഫിയ പർവീൺ എന്ന നിയമ വിദ്യാർത്ഥിനി ഗാർഹിക - സ്ത്രീധന പീഡനത്തിൽ മനംനൊന്ത് ആത്മഹത്യ ചെയ്തത്. നിയമം അറിയുന്ന അവൾ ഗാർഹിക പീഡനം നടന്നയുടൻ ജീവൻ വെടിയുകയല്ല ചെയ്തത്. അവൾക്കുണ്ടായ നീതി നിഷേധത്തിനെതിരെ രാജ്യം അനുവദിച്ച നിയമ സംവിധാനത്തിനെ ഉപയോഗിച്ച് പോരാടി പരാജയപെട്ടതാണ്.

ആദ്യം അവൾ സംസ്ഥാന വനിതാ കമീഷനിൽ പരാതിപ്പെട്ടു. ജോസഫൈൻ മാറിയെങ്കിലും പിന്നെയുള്ളവരിലും അവരുടെ പ്രേതം ഗ്രസിച്ചതിനാൽ നീതി ലഭിച്ചില്ല അവൾക്ക് .. അവൾ തളരാതെ ദേശിയ വനിതാ കമീഷനിൽ പരാതിപ്പെട്ടു. അതിന്റെ ഭാഗമായി മൊഴിയെടുക്കുവാൻ ആലുവ Cl സുധീർ വിളിപ്പിച്ചു. നീതി തേടി ചെന്ന ആ പെൺകുട്ടിയെ കേട്ടാലറയ്ക്കുന്ന ഭാഷയിലാണ് അയാൾ എതിരേറ്റത്.

അതിൽ അവൾ തളർന്നു പോയി. പ്രതീക്ഷയുടെ പച്ച തുരുത്ത് കൂടി നഷ്ടമായതിൽ മനംമടുത്ത് അവൾ മരണത്തിന് കീഴടങ്ങി. ജീവിക്കുവാനു കൊതി ബാക്കി വെച്ച് ഒരു ആത്മഹത്യ കുറിപ്പിൽ അവളുടെ ജീവിതം അവസാനിപ്പിക്കുമ്പോഴും അതിലേക്ക് തള്ളി വിട്ട ഉത്തരവാദികളിൽ ഒരാളായി സുധീറിനെതിരെ അവൾ വാക്കുകളിൽ തീ പടർത്തിയെഴുതിയിരുന്നു . 

ഒരു മരണത്തിലും ഒരു കുലുക്കമില്ലാതെ സുധീർ , അവന്റെ " നിയമപാലനത്തിന് " പതിവ് പോലെ സ്റ്റേഷനിലെത്തുമ്പോൾ അത് അനുവദിക്കുവാൻ കോൺഗ്രസ്സിന് കഴിയില്ല. ആ ധർമ്മ പോരാട്ടത്തിലാണ് കോൺഗ്രസ്സ് പിണറായി വിജയനാണ് ആഭ്യന്തര മന്ത്രിയെന്ന ലൈസൻസിൽ നിയമത്തെ വെല്ലുവിളിക്കുന്ന ഈ സുധീറാണ് ഉത്രയുടേത് സ്വാഭാവിക മരണമാണെന്ന് ആദ്യം "കണ്ടെത്തിയത് " ഈ ധർമ്മ സമരത്തിന് ഐക്യദാർഢ്യം... സുധീറുമാരുളള പോലീസ് സ്റ്റേഷൻ നീതിയുടെ ആത്മഹത്യ കുരുക്കുകളാണ്.