അനുപയും അജിത്തും തിരുവനന്തപുരം വഞ്ചിയൂര്‍ കുടുംബ കോടതിയിലെത്തി. കേസ് ഇപ്പോൾ കുടുംബകോടതി പരിഗണിക്കുകയാണ്. അനുപമയും കുഞ്ഞും ചേംബറിലെത്തി. കുഞ്ഞിന് വൈദ്യ പരിശോധന നടത്താനായി ചേംബറിലേക്ക് ഡോക്ടറെ വിളിപ്പിച്ചിരിക്കുകയാണ് കോടതി. കുഞ്ഞിനെ ഇന്ന് തന്നെ കൈമാറും. അധികം വൈകാതെ കോടതിയുടെ ഉത്തരവ് വരും. സിഡബ്ല്യുസി ഡിഎൻഎ പരിശോധനാ ഫലമടക്കമുള്ള റിപ്പോർട്ട് കോടതിയിൽ സമർപ്പിച്ചിരുന്നു. കേസ് ഇന്നുതന്നെ പരിഗണിക്കണമെന്നും സർക്കാർ ആവശ്യപ്പെടുകയായിരുന്നു.

കേസ് പരിഗണിക്കാനെടുത്ത സമയത്ത് കുഞ്ഞിനെ എത്തിക്കാൻ സി ഡബ്ല്യു സിയോട് നിർദ്ദേശിക്കുകയായിരുന്നു കോടതി. പാളയത്തെ നിർമലാഭവനിൽ നിന്നും സർക്കാർ വാഹനത്തിലാണ് കുഞ്ഞിനെ കോടതിയിലെത്തിച്ചത്.

ശിശുക്ഷേമ സമിതിയുടെ വാഹനത്തില്‍ പോലീസ് അകമ്പടിയോടെയാണ് കുഞ്ഞിനെ കോടതിയിലെത്തിച്ചത്. ഡിഎന്‍എ പരിശോധനാഫലം അനുപമയ്ക്ക് അനുകൂലമായ സാഹചര്യത്തില്‍ എത്രയും വേഗം കുട്ടിയെ കൈമാറാനുള്ള നടപടികള്‍ സ്വീകരിക്കാനാണ് സര്‍ക്കാര്‍ ഗവണ്‍മെന്റ് പ്ലീഡര്‍ക്ക് നല്‍കിയ നിര്‍ദേശം.