വൈപ്പിനില് മൂന്നംഗ കുടുംബത്തിലെ രണ്ടു പേര് വീടിനുള്ളില് മരിച്ച നിലയില്... മൂവരേയും കൈത്തണ്ട മുറിഞ്ഞ് രക്തം വാര്ന്നൊഴുകുന്ന നിലയിലാണ് കണ്ടെത്തിയത്, രണ്ടു പേരുടെ കഴുത്തുകളില് ചരട് കൊണ്ട് കുരുക്കിട്ടിരുന്നു, എണ്പതുകാരി ഗുരുതരാവസ്ഥയില് ആശുപത്രിയില്
വൈപ്പിനില് മൂന്നംഗ കുടുംബത്തിലെ രണ്ടു പേര് വീടിനുള്ളില് മരിച്ച നിലയില്... മൂവരേയും കൈത്തണ്ട മുറിഞ്ഞ് രക്തം വാര്ന്നൊഴുകുന്ന നിലയിലാണ് കണ്ടെത്തിയത്, രണ്ടു പേരുടെ കഴുത്തുകളില് ചരട് കൊണ്ട് കുരുക്കിട്ടിരുന്നു, എണ്പതുകാരി ഗുരുതരാവസ്ഥയില് ആശുപത്രിയില്.
ഞാറക്കല് പള്ളിക്ക് കിഴക്ക് നാലാം വാര്ഡില് ന്യൂ റോഡില് മൂക്കുങ്കല് പരേതനായ വര്ഗീസിന്റെ മക്കളായ ഞാറക്കല് സെന്റ് മേരീസ് സ്കൂള് അധ്യാപിക ജെസി (49), സഹോദരന് ജോസ് (51) എന്നിവരാണ് മരിച്ചത്. ഇവരുടെ അമ്മ ഞാറക്കല് സെന്റ് മേരീസ് യുപി സ്കൂള് റിട്ട. അധ്യാപിക റീത്തയെ (80) ഗുരുതരാവസ്ഥയില് എറണാകുളത്തെ സ്വകാര്യ ആശുപത്രിയില് പ്രവേശിപ്പിച്ചു.
വീട്ടില് രണ്ടു ദിവസമായി ആളനക്കം ഇല്ലാതിരുന്നതിനാല്, വാര്ഡ് അംഗം എ.പി. ലാലു ഞാറക്കല് പൊലീസില് വിവരമറിയിച്ചതിനെ തുടര്ന്ന് എസ്ഐ എ.കെ. സുധീറിന്റെ നേതൃത്വത്തിലുള്ള സംഘം എത്തി
വാതില് പൊളിച്ച് അകത്ത് കയറി നോക്കിയപ്പോഴാണ് ജോസും ജെസിയും ഒരു മുറിയിലും റീത്ത മറ്റൊരു മുറിയിലും കൈത്തണ്ട മുറിഞ്ഞു കിടക്കുന്നതു കണ്ടത്. റീത്തയ്ക്ക് ജീവനുണ്ടെന്നു കണ്ടെത്തി. ജോസിന്റെയും ജെസിയുടെയും കഴുത്തുകളില് ചരടു കൊണ്ട് കുരുക്കുമിട്ടിരുന്നു.
അതേസമയം മൂന്നു പേരും മാനസിക അസ്വാസ്ഥ്യത്തിനു ചികിത്സ നടത്തിയിരുന്നതായി പൊലീസ് . ഇന്ന് ഫൊറന്സിക് വിദഗ്ധരും ഉന്നത പൊലീസ് ഉദ്യോഗസ്ഥരും സ്ഥലത്തെത്തി പരിശോധിച്ച് ഇന്ക്വസ്റ്റ് തയ്യാറാക്കിയ ശേഷമേ പോസ്റ്റുമോര്ട്ടത്തിനായി ആശുപത്രിയിലേക്ക് മാറ്റുകയുള്ളൂ. മൃതദേഹങ്ങള് വീടിനുള്ളില് തന്നെ സൂക്ഷിച്ചിരിക്കുകയാണ്.
"
https://www.facebook.com/Malayalivartha
