അനുപമയുടെ കുഞ്ഞിനെ ആന്ധ്രാക്കാര്ക്ക് ദത്ത് നല്കിയ കേസ്... കുഞ്ഞിനെ അനുപമക്ക് കൈമാറാന് കുടുംബകോടതി ഉത്തരവ്, കുഞ്ഞിനെ കോടതിയില് വച്ച് അനുപമ ഏറ്റു വാങ്ങി, ദത്തുമായി ബന്ധപ്പെട്ട് ആന്ധ്രാ ദമ്പതികള് കുഞ്ഞിന്റെ പേരില് രജിസ്റ്ററാക്കിയ സ്വത്തുക്കളുടെ രജിസ്ട്രേഷന് റദ്ദ് ചെയ്ത് അവര്ക്ക് തിരികെ നല്കാനും കോടതി ഉത്തരവിട്ടു
25 NOVEMBER 2021 08:33 AM IST
മലയാളി വാര്ത്ത
തുടര്ന്ന് അനുപമക്ക് കുഞ്ഞിനെ കൈമാറി. അനുപമയും അജിത്തും കോടതിയില് ഹാജരായിരുന്നു. വിജയവാഡയില് നിന്നെത്തിച്ച കുഞ്ഞിന്റെ ഡി എന് എ ഫലം പോസിറ്റീവായതിനാല് സര്ക്കാര് അഭിഭാഷകന് വെമ്പായം എ. ഹക്കിം ബുധനാഴ്ച കേസ് മുന്കൂറായി കേള്ക്കണമെന്നാവശ്യപ്പെട്ട് അഡ്വാന്സ് ഹര്ജി സമര്പ്പിച്ചു.
തുടര്ന്ന് കേസ് ഉച്ച തിരിഞ്ഞ് പരിഗണിക്കാനായി മാറ്റി. ഇതിനിടെ കുഞ്ഞിന്റെയും മാതാപിതാക്കളായ തങ്ങളുടെയും ഡിഎന്എ ഫലം പോസിറ്റീവായതിനാല് കുഞ്ഞിനെ വിട്ടുകിട്ടണമെന്നാവശ്യപ്പെട്ട് അനുപമ ഹര്ജി ഫയല് ചെയ്തു. അനുപമയുടെ ഹര്ജി കോടതി അനുവദിക്കുകയായിരുന്നു.
ദത്തുമായി ബന്ധപ്പെട്ട് ആന്ധ്രാ ദമ്പതികള് കുഞ്ഞിന്റെ പേരില് രജിസ്റ്റാക്കിയ സ്വത്തുക്കളുടെ രജിസ്ട്രേഷന് റദ്ദ് ചെയ്ത് അവര്ക്ക് തിര്യെ നല്കാനും കോടതി ഉത്തരവിട്ടു. വിജയവാഡയില് നിന്നും കുഞ്ഞിനെ 2 ദിവസം മുമ്പ് കേരളത്തിലെത്തിച്ചിരുന്നു.
30 നകം കുഞ്ഞിന്റെയും അനുപമയുടെയും ഡിഎന്എ ഫലം ഹാജരാക്കാന് കുടുംബ കോടതി നേരത്തേ ഉത്തരവിട്ടിരുന്നു. കോടതിയുത്തരവ് പ്രകാരം ദത്തു നല്കിയതിന്റെ രേഖകള് തിരുവനന്തപുരം കുടുംബക്കോടതിയില് സി. ഡബ്ലു. സി ഹാജരാക്കി. കുഞ്ഞിനെ ഹാജരാക്കാന് ആന്ധ്രാ ദമ്പതികള്ക്ക് നോട്ടീസ് നല്കിയിട്ടുണ്ടെന്ന് കാണിച്ച റിപ്പോര്ട്ടും ഹാജരാക്കിയിരുന്നു. 30 നകം കുഞ്ഞിന്റെയും അനുപമയുടെയും ഡിഎന്എ ഫലം ഹാജരാക്കാന് കുടുംബ കോടതി ജഡ്ജി കെ. ബിജു മേനോന് ഉത്തരവിട്ടു.
മുഴുവന് രേഖകളും ശിശുക്ഷേമ സമിതിയും സി. ഡബ്ലു. സി. യും 20 നകം ഹാജരാക്കാന് തിരുവനന്തപുരം കുടുംബ കോടതി നേരത്തേ ഉത്തരവിട്ടിരുന്നു. ശിശുക്ഷേമ സമിതിക്കും ചൈല്ഡ് വെല്ഫയര് കമ്മിറ്റിക്കും ഉള്ള ദത്ത് ലൈസന്സ് , കുഞ്ഞിനെ ഉപേക്ഷിക്കപ്പെട്ട നിലയിലോ കൊണ്ടുവന്നേല്പ്പിച്ച നിലയിലോ ലഭിച്ചത് , ജനന സര്ട്ടിഫിക്കറ്റ് , അഡോപ്ഷന് സര്ട്ടിഫിക്കറ്റ് , കുഞ്ഞിനെ ദത്ത് നല്കുന്നത് വിളംബരം ചെയ്തുള്ള പത്രപ്പരസ്യം , ഡിഎന്എ പ്രൊഫൈല് റിപ്പോര്ട്ട് , ദത്തിന് മുന്നോടിയായി പോലീസിന് നല്കിയ പരാതി റിപ്പോര്ട്ടടക്കമുള്ള സകല റെക്കോര്ഡുകളും സഹിതം സത്യവാങ്മൂലം ഹാജരാക്കണം.
ചട്ടങ്ങള് പാലിക്കാതെ നിയമവിരുദ്ധമായുള്ള കുട്ടിക്കടത്തിന് ശിശുക്ഷേമ സമിതിയെയും സി ഡബ്ലുസിയെയും തലസ്ഥാത്തെ കുടുംബക്കോടതി രൂക്ഷമായി വിമര്ശിച്ചു. ദത്ത് ലൈസന്സിന്റെ കാലാവധി തീര്ന്നതിന് ശേഷമാണ് കുഞ്ഞിനെ ദത്ത് നല്കിയതെന്ന് റെക്കോര്ഡുകള് പരിശോധിച്ച് കണ്ടെത്തിയ ജഡ്ജി കെ. ബിജു മേനോന് രണ്ട് സ്ഥാപനങ്ങളെയും രൂക്ഷമായി വിമര്ശിക്കുകയായിരുന്നു.
ലൈസന്സ് പുതുക്കാത്തതിന്റെ കാരണം വിശദമാക്കാനും കോടതി ഉത്തരവിട്ടു. കുഞ്ഞ് എങ്ങനെ ശിശുക്ഷേമ സമിതിയിലെത്തിയെന്നതടക്കമുള്ള തുടര് നടപടികളടക്കം മുദ്രവച്ച കവറില് ഹാജരാക്കണമെന്നും കോടതി ഉത്തരവിട്ടു.
ദത്തുമായി ബന്ധപ്പെട്ട് വനിതാ ശിശു വികസന വകുപ്പ് മെമ്പര് സെക്രട്ടറി സമര്പ്പിച്ച ഇടക്കാല ഹര്ജി പരിഗണിക്കുകയായിരുന്നു കോടതി. 2003 ലെ ജുവനൈല് ജസ്റ്റിസ് (കെയര് ആന്റ് പ്രൊട്ടക്ഷന് ഓഫ് ചില്ഡ്രന്) കേരള ചട്ടം 58 പ്രകാരമുള്ള ഹര്ജിയിലാണ് കോടതിയുടെ രൂക്ഷ വിമര്ശനങ്ങള് രണ്ടു സ്ഥാപനങ്ങളും ഏറ്റുവാങ്ങിയത്. 2021 സെപ്റ്റംബര് 6 നാണ് മിസലേനിയസ് സിവിള് ആപ്ലിക്കേഷന് 18/2021 നമ്പരായി കുടുംബക്കോടതിയില് ഹര്ജി ഫയല് ചെയ്തത്. ഒക്ടോബര് 23 നാണ് അനുപമ കക്ഷി ചേരല് ഹര്ജിയും ഡിഎന്എ പരിശോധനാ ഹര്ജിയും സമര്പ്പിച്ചത്. "
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
