നവവധുവിനെ പോലീസ് സ്റ്റേഷനില് അധിക്ഷേപിച്ച പോലീസ് സിഐ സി.എല്. സുധീറിനെ സസ്പെന്ഡ് ചെയ്യണമെന്ന് ആവശ്യപ്പെട്ട് ആലുവ എസ്പി ഓഫീസിലേക്ക് കോണ്ഗ്രസ് നടത്തിയ മാര്ച്ചില് സംഘര്ഷം
നവവധുവിനെ പോലീസ് സ്റ്റേഷനില് അധിക്ഷേപിച്ച പോലീസ് സിഐ സി.എല്. സുധീറിനെ സസ്പെന്ഡ് ചെയ്യണമെന്ന് ആവശ്യപ്പെട്ട് ആലുവ എസ്പി ഓഫീസിലേക്ക് കോണ്ഗ്രസ് നടത്തിയ മാര്ച്ചില് സംഘര്ഷം.
സമരക്കാര്ക്കു നേരെ പോലീസ് ജലപീരങ്കി പ്രയോഗിച്ചു. പോലീസിനു നേരെ വ്യാപക കല്ലേറുമുണ്ടായി. സുധീറിനെ സ്ഥലം മാറ്റിയ നടപടി പോരെന്നും സസ്പെന്ഷന് തന്നെ വേണമെന്നുമാണ് കോണ്ഗ്രസിന്റെ ആവശ്യം.
അതേസമയം പോലീസ് സ്റ്റേഷനില് വന്നപ്പോള് ഒരാശ്വാസ വാക്കെങ്കിലും പറഞ്ഞിരുന്നു എങ്കില് ഇന്ന് എന്റെ മകള് ജീവിച്ചിരുന്നേനെ...' മോഫിയ പര്വീണിന്റെ അമ്മയുടെ ഈ വാക്കുകള് ഹൃദയഭേദകമായിരുന്നു. ആലുവ പോലീസ് സ്റ്റേഷനില് സമരം ചെയ്യുന്നവരെ കാണാന് ഇന്ന് അതിരാവിലെ അപ്രതീക്ഷിതമായെത്തിയ മാതാവിന്റെ കണ്ണുനീരും വാക്കുകളും കരളലിയിക്കുന്നതായിരുന്നു.
ഭര്ത്താവ് ദില്ഷാദിനോടൊപ്പമാണ് ഫാരിഷ ആലുവ പോലീസ് സ്റ്റേഷനിലെത്തിയത്. നേതാക്കളെ കണ്ടതോടെ കെട്ടി പിടിച്ചു കരയുകയായിരുന്നു. ഇവരെ ആശ്വസിപ്പിക്കാന് നേതാക്കളായ ബെന്നി ബഹനാനും അന്വര് സാദത്തും റോജിയുമെല്ലാം ഏറെ പാടുപ്പെട്ടു. ഞങ്ങളുടെ മകള്ക്കു വേണ്ടി പോരാടുന്നവരോടുള്ള നന്ദി രേഖപ്പെടുത്തിക്കൊണ്ടാണ് മോഫിയയുടെ മാതാപിതാക്കള് മടങ്ങിയത്.
"
https://www.facebook.com/Malayalivartha
