പിണറായിയെ മണിയാശാന് പൂട്ടി കെട്ടി... മുല്ലപ്പെരിയാറില് എല്ലാം ഭദ്രമാണെന്ന് പിണറായി ആവര്ത്തിക്കുമ്പോഴാണ് ഡാം എപ്പോള് വേണമെങ്കിലും തകര്ന്നു വീഴാമെന്ന് മണിയാശാന് പ്രഖ്യാപിച്ചത്
01 DECEMBER 2021 08:45 AM IST
മലയാളി വാര്ത്ത
മണിയാശാന്റെ പ്രഖ്യാപനം തീര്ത്തും നിഷ്കളങ്കമാണെന്ന് ആരെങ്കിലും കരുതിയെങ്കില് തെറ്റി. കാരണം തന്റെ ഗതിയെ അധോഗതിയാക്കിയ പിണറായിക്കിട്ട് മണിയാശാന് കണക്കിന് കൊടുത്തതാണ് പുതിയ പ്രഖ്യാപനം. മന്ത്രിയാകാന് മണിയാശാന് ആഗ്രഹമുണ്ടായിരുന്നു.എന്നാല്പിണറായി മണിയാശാനെ വെട്ടി.
ജി.സുധാകരനും തോമസ് ഐസക്കിനുമുണ്ടായ അതേ രോഗം തന്നെയാണ് മണിയാശാനെയും ബാധിച്ചിരിക്കുന്നത്. എന്നാല് ആശാനും ഇങ്ങനെയൊരു രോഗമുണ്ടെന്ന് കഴിഞ്ഞ ദിവസമാണ് കേരളം മനസിലാക്കുന്നത്.
മുല്ലപ്പെരിയാര് ഡാം അപകടാവസ്ഥയിലെന്നും അതൊരു ജലബോംബാണെന്നും മുന് വൈദ്യുതി മന്ത്രിയും എംഎല്എയുമായ എം.എം. മണി പറഞ്ഞത് പെട്ടെന്നാണ്.
മുല്ലപ്പെരിയാര് വണ്ടിപ്പെരിയാറിന് മുന്പില് ജലബോംബായി നില്ക്കുകയാണ്.ഡാം പൊട്ടിയാല് മലയാളികള് വെള്ളം കുടിച്ചും തമിഴര് വെള്ളം കിട്ടാതെയും മരിക്കുമെന്ന് എംഎം മണി എംഎല്എ പറഞ്ഞു. നെടുങ്കണ്ടത്ത് ഹൈറേഞ്ച് സംരക്ഷണ സമിതി സംഘടിപ്പിച്ച കര്ഷക ഉപവാസ സമരത്തില് സംസാരിക്കുകയായിരുന്നു അദേഹം.
ശര്ക്കരയും സുര്ക്കിയും ചുണ്ണാമ്പും ഉപയോഗിച്ച അതിന്റെ അകത്ത് കാലിയാണ്. ഞാന് പല പ്രാവശ്യം അതിന്റെ അകത്ത് പോയിട്ടുണ്ട് മന്ത്രിമാരുടെ കൂടെ. വെള്ളം ഇറ്റിറ്റ് വരുന്നുണ്ട്. അതിന്റെ പുറത്ത് സിമന്റും കമ്പിയും പൂശിയെന്നൊന്നും ന്യായം പറഞ്ഞിട്ട് കാര്യമില്ല. അതിന്റെ മുകളില് സിമന്റ് പൂശിയാല് നില്ക്കുമോ. എന്തേലും സംഭവിച്ചാല് വരാന് പോകുന്നത് അവര് വെള്ളം കുടിക്കാതെയും ചാകും, നമ്മള് വെള്ളം കുടിച്ചും ചാകും. വണ്ടിപ്പെരിയാറില് നിന്ന് ആയിരക്കണക്കിന് അടി ഉയരത്തില് ബോംബ് പോലെ നില്ക്കുവാ ഈ സാധനം. വലിയ പ്രശ്നമാ. ഞാന് ഇത് നിയമസഭയില് ഇങ്ങനെ തന്നെ പറഞ്ഞിട്ടുണ്ട്. ഇതുവച്ച് രാഷ്ട്രീയം കളിക്കുകയാണ് തമിഴ്നാട്ടുകാര്. അതിനിപ്പം വേറെ വഴിയൊന്നുമില്ല. പുതിയ ഡാമല്ലാതെ വേറെ എന്താ മാര്ഗം. നമ്മുടെ എല്ഡിഎഫ് ഗവണ്മെന്റിന് ഇക്കാര്യത്തില് ഈ നിലപാട് തന്നെയാണ്.
മുല്ലപ്പെരിയാര് വിഷയത്തില് തമിഴ്നാട് രാഷ്ട്രീയം കളിക്കുകയാണ് ഇരു സംസ്ഥാനങ്ങളും ഒരുമിച്ച് തീരുമാനമെടുത്താല് പ്രശ്നത്തിന് പരിഹാരം കാണാന് സാധിക്കും. മുല്ലപ്പെരിയാര് സുരക്ഷിതാണെന്നും പിണറായിലും മറ്റു മന്ത്രിമാരും വ്യക്തമാക്കുമ്പോഴാണ് അതീവ ഗുരുതര വെളിപ്പെടുത്തലുമായി മുന് വൈദ്യുതി മന്ത്രി രംഗത്തെത്തിയത്.
തമിഴ്നാടുമായി നല്ല ബന്ധം സൂക്ഷിക്കാനാണ് കേരളം ആഗ്രഹിക്കുന്നത്. മുഖ്യമന്ത്രി പിണറായി വിജയന് മുഖ്യമന്ത്രി സ്റ്റാലിനുമായി അടുത്ത ബന്ധം സൂക്ഷിക്കുന്നുണ്ട്. മുല്ലപെരിയാര് വിഷയത്തില് തമിഴ്നാട് കാണിക്കുന്നത് ശുദ്ധ അഭ്യാസ പ്രകടനമാണെന്ന് പിണറായിക്കയൊരെങ്കിലും അജ്ഞാതമായ കാരണങ്ങളാല് അദ്ദേഹം നിശബ്ദത പാലിക്കാറാണ് പതിവ്.
എം എം മണിയുടെ പ്രസ്താവനയെ കുറിച്ച് മുഖ്യമന്ത്രി യാതൊരു പ്രതികരണവും നടത്തിയിട്ടില്ല. എന്നാല് മണിയുടെ പ്രസ്താവന അതിരു കടന്നതാണെന്ന വിലയിരുത്തലിലാണ് സി പി എം സംസ്ഥാന നേതൃത്വമുള്ളത്.
മണിയുടെ വാക്കുകളെ ഗൗരവത്തിലെടുക്കാന് സി പി എം പരസ്യമായി തയ്യാറാവില്ല. മണിയെ ഗൗരവമായി എടുക്കേണ്ടതില്ലെന്ന നിലപാടാണ് മുമ്പും സി പി എം സ്വീകരിച്ചിട്ടുള്ളത്.മണിയെ നിലയ്ക്കു നിര്ത്തുന്ന കാര്യത്തില് പിണറായി തീരുമാനമെ
ടുക്കുമെന്നാണ് സി പി എം നേതാക്കള് പറയുന്നത്. എന്നാല് ഇവര് പറയുന്നതല്ല സത്യം.അത് മണിയുടെ ഉള്ളിലിരുന്ന തികട്ടുന്നുണ്ട്. അതാണ് അദ്ദേഹം അറിയാതെ പുറത്തു വരുന്നത്.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
