സി പി എം കോടികള് അടിച്ചുമാറ്റി: അട്ടപ്പാടിയില് ആദിവാസികളുടെ ഏക ആശ്രയമായ കോട്ടത്തറ ട്രൈബല് ആശുപത്രിയുടെ പണം അടിച്ചുമാറ്റിയ സി പി എമ്മിനെതിരെ സംസാരിച്ച ഉദ്യോഗസ്ഥന് പണി കിട്ടി
അട്ടപ്പാടിയില് ആദിവാസികളുടെ ഏക ആശ്രയമായ കോട്ടത്തറ ട്രൈബല് ആശുപത്രിയുടെ പണം അടിച്ചുമാറ്റിയ സി പി എമ്മിനെതിരെ സംസാരിച്ച ഉദ്യോഗസ്ഥന് പണി കിട്ടി.
അട്ടപ്പാടി ആശുപത്രിയുടെ വികസനം അട്ടിമറിച്ചതിന്റെ തെളിവുകള് പുറത്തുവന്നതിന് പിന്നാലെയാണ് ഉദ്യോഗസ്ഥന് പാര്ട്ടി പണി കൊടുത്തത്.
കോട്ടത്തറ ട്രൈബല് വെല്ഫെയര് ഓഫീസര് ചന്ദ്രനെതിരെയാണ് നടപടി. പുറത്താക്കല് ഉത്തരവ് ഇന്ന് പുറത്തിറങ്ങും.
രോഗികളെ റഫര് ചെയ്യാനുള്ള പദ്ധതിയുടെപേരിലാണ് , ആദിവാസി ക്ഷേമ ഫണ്ടില് നിന്ന് പെരിന്തല്ണ്ണ ഋങട സഹകരണ ആശുപത്രിയ്ക്ക് 12 കോടി രൂപ കൈമാറിയത്. ഇതിന്റെ നാലിലൊന്ന് പണം ഉണ്ടായിരുന്നെങ്കില്, കോട്ടത്തറ ആശുപത്രിയില് സിടി സ്കാന് ഉള്പ്പെടെ ഉപകരണങ്ങള് വാങ്ങാമായിരുന്നെന്ന് കോട്ടത്തറ ട്രൈബല് വെല്ഫെയര് ഓഫീസര് പറഞ്ഞു. ഇതാണ് പിരിച്ചുവിടലിന് കാരണമായത്.
ഗര്ഭകാലത്ത് ഒന്ന് സ്കാന് ചെയ്യണമെങ്കില് ആദിവാസികളെ പെരിന്തല്മണ്ണയ്ക്കോ, തൃശൂരിലേക്കോ, കോഴിക്കോടേക്കോ പറഞ്ഞയക്കും. കോട്ടത്തറയിലെ ട്രൈബല് സ്പെഷ്യാലിറ്റി ആശുപത്രിയില് സിടി സ്കാനില്ല, എംആര്ഐ സ്കാനില്ല. കുഞ്ഞുങ്ങള്ക്കായി ഐസിയുപോലുമില്ല. ജൂനിയര് ഡോക്ടര്മാര് മാത്രമാണിവിടെയുള്ളത്.
ആദിവാസികളെ സഹായിക്കാനെന്ന പേരില് കഴിഞ്ഞ മൂന്നു വര്ഷമായി പദ്ധതികള് നടപ്പാക്കുന്നുണ്ട്. എന്നാല് എല്ലാം കടലാസില് മാത്രം.ഇവിടെ നിന്ന് വിദഗ്ധ ചികിത്സ വേണ്ടവരെ പെരിന്തല്മണ്ണ ഇഎംഎസ് സഹകരണ ആശുപത്രിയിലേക്ക് റഫര് ചെയ്യും. ഇവിടെയില്ലാത്ത സ്കാനും മറ്റും അവിടെ നടത്തും. ആദിവാസി ക്ഷേമ വകുപ്പിന്റെ ഫണ്ടില് നിന്ന് ഇതിനായി ചെലവിട്ടത് 12 കോടിയാണ്. കഴിഞ്ഞ ജനുവരി പതിനഞ്ചിന് ചേര്ന്ന സഹകരണ വകുപ്പിന്റെ ജില്ലാ തല മോണിറ്ററിങ് കമ്മിറ്റിയുടെ മിനിട്സില് ഇക്കാര്യമുണ്ട്. തുക തീര്ന്നതിനാല് പദ്ധതി ഫെബ്രുവരിയിലവസാനിക്കുകയും ചെയ്തു.വീണ്ടും 18 കോടി അനുവദിക്കമന്ന അപേക്ഷയും ഇഎംഎസ് മെമ്മോറിയല് ആശുപത്രി വച്ചിട്ടുണ്ട്. അപ്പോഴും അട്ടപ്പാടിയിലെ സര്ക്കാരാശുപത്രിയില് സൗകര്യമൊരുക്കാന് സര്ക്കാരിന് പണമില്ല
ചന്ദ്രനെ പിരിച്ചുവിടാന് തീരുമാനിച്ചത് കോട്ടത്തറ ആശുപത്രി മാനേജ്മെന്റാണ്. ഇ എം എസ് ആശുപത്രിക്ക് റഫറല് ചികിത്സയ്ക്ക് 12 കോടി നല്കിയത് ചന്ദ്രന് സ്ഥിരീകരിച്ചിരുന്നു. എച്ച് എം സി ഇന്നലെ ചന്ദ്രനോട് വിശദീകരണം തേടിയിരുന്നു. വിശദീകരണം നല്കാന് 24 മണിക്കൂര് സമയമുണ്ടായിരിക്കേ വൈകിട്ട് വൈകിട്ട് അടിയന്തിര യോഗം ചേര്ന്ന് ചന്ദ്രനെ പുറത്താക്കാന് തീരുമാനിക്കുകയായിരുന്നു.
രോഗികളെ റഫര് ചെയ്യാനുള്ള പദ്ധതിയുടെപേരില്, ആദിവാസി ക്ഷേമ ഫണ്ടില് നിന്ന് പെരിന്തല്ണ്ണ ഇഎംഎസ് സഹകരണ ആശുപത്രിയ്ക്ക് 12 കോടി രൂപയാണ് കൈമാറിയത് എന്ന കാര്യമാണ് ചന്ദ്രന് സ്ഥിരീകരിച്ചത്. ഇതിന്റെ നാലിലൊന്ന് പണം ഉണ്ടായിരുന്നെങ്കില്, കോട്ടത്തറ ആശുപത്രിയില് സിടി സ്കാന് ഉള്പ്പെടെ ഉപകരണങ്ങള് വാങ്ങാമായിരുന്നെന്ന് ചന്ദ്രന് പറഞ്ഞിരുന്നു.
ആദിവാസി ക്ഷേമ പദ്ധതികളുടെ പേരില് കോടികളാണ് പാര്ട്ടി അടിച്ചു മാറ്റുന്നത്. സി പി എമ്മിന് ഇതിന് കേന്ദ്രീകൃത സംവിധാനവുമുണ്ട്. അട്ടപ്പാടി പോലുള്ള സ്ഥലങ്ങളില് നിന്നാണ് പാര്ട്ടി ഇത്തരം കൊയ്ത്തുകള് നടത്തുന്നത്. ഇത്തരം നടപടികള് സാധാരണ ആളുകള് പുറത്തു പറയാറില്ല. രഹസ്യ വിവരങ്ങള് രഹസ്യമായി തന്നെ നിര്വഹിക്കാന് പാര്ട്ടിക്ക് സംവിധാനമുണ്ട്. അത്തരം സംവിധാനങ്ങള് പൊളിച്ചാല് പാര്ട്ടിക്ക് സഹിക്കാനാവില്ല.
https://www.facebook.com/Malayalivartha
