കൊട്ടിയൂര്‍ പീഡനക്കേസിലെ കുറ്റവാളി റോബിന്‍ വടക്കുംചേരിക്ക് ശിക്ഷയില്‍ ഇളവ്. ശിക്ഷ 10 വര്‍ഷം തടവും ഒരു ലക്ഷം രൂപയുമാക്കി കുറച്ചു. തലശേരി വിചാരണ കോടതി വിധിച്ച 20 വര്‍ഷം തടവാണ് പത്തു വര്‍ഷമാക്കി കുറച്ച് ഹൈക്കോടതി ഉത്തരവിട്ടത്.


വിചാരണ കോടതി ഉത്തരവ് ചോദ്യം ചെയ്തുള്ള ഹര്‍ജിയിലാണ് ഹൈക്കോടതിയുടെ ഉത്തരവ്. സ്ഥാപനത്തിന്റെ മേധാവിയെന്ന നിലയില്‍ റോബിന്‍ പെണ്‍കുട്ടിയെ ദുരുപയോഗം ചെയ്തുവെന്ന കുറ്റം കോടതി ഒഴിവാക്കുകയായിരുന്നു.

എന്നാല്‍ പോക്‌സോ വകുപ്പും ബലാത്സംഗ വകുപ്പും നിലനില്‍ക്കുമെന്ന് കോടതി അറിയിച്ചു. റോബിന് മൂന്ന് വകുപ്പുകളിലായി ഇരുപത് വര്‍ഷത്തെ കഠിനതടവാണ് തലശേരി പോക്‌സോ കോടതി വിധിച്ചത്. 2016 ലായിരുന്നു കേസിനാസ്പദമായ സംഭവം നടന്നത്.