പരിശീലനത്തിനിടെ എന്‍സിസി കേഡറ്റ് വെടിയേറ്റു മരിച്ച സംഭവത്തില്‍ അന്വേഷണം അവസാനിപ്പിക്കുന്നതായി എന്‍സിസി ബ്രിഗേഡിയര്‍ രജനീഷ് സിന്‍ഹ അറിയിച്ചു. ഈ മാസം 11-നാണ് ധനേഷ് കൃഷ്ണ വെടിയേറ്റു മരിച്ചത്. ഫോറന്‍സിക് റിപ്പോര്‍ട്ട് ലഭിച്ചാല്‍ മാത്രമേ ഉദ്യോഗസ്ഥരെ പ്രതി ചേര്‍ക്കണോ എന്ന് വ്യക്തമാകു. സംഭവത്തില്‍ വീഴ്ച പറ്റിയതായി നേരത്തേ സൈനിക റിപ്പോര്‍ട്ടില്‍ പറഞ്ഞിരുന്നു.

സംഭവത്തിന് രണ്ടു ദിവസം കഴിഞ്ഞപ്പോള്‍ തന്നെ രജനീഷ് സിന്‍ഹയുടെ നേതൃത്വത്തിലുള്ള ഉദ്യോഗസ്ഥര്‍ അന്വേഷണം തുടങ്ങിയിരുന്നു. അതേസമയം സംഭവത്തില്‍ ഫോറന്‍സിക് പരിശോധനാഫലം ഇനിയും വൈകുകയാണ്. പരിശീലന സമയത്ത് കേഡറ്റ് ധനുഷ് കൃഷ്ണയുടെ ഒരു ബുള്ളറ്റ് കാണാതെ പോയതും സംഭവങ്ങളുടെ ദുരൂഹത വര്‍ധിപ്പിച്ചിരുന്നു.

എന്നാല്‍ കാണാതായ ഈ ബുള്ളറ്റ് പിന്നീട് ധനുഷ് കൃഷ്ണയുടെ പോക്കറ്റില്‍ ഉണ്ടായിരുന്നെന്നാണ് പൊലീസ് കണ്ടെത്തല്‍. അതേസമയം ബുള്ളറ്റ് കാണാനില്ലെന്ന് കേഡറ്റ് ധനുഷ് കൃഷ്ണ പരാതിപ്പെട്ടിരുന്നെങ്കിലും ഇത് കണ്ടെത്താതെയാണ് എന്‍സിസി ഉദ്യോഗസ്ഥര്‍ പരിശീലനം നടത്തിയത്. വെടിയുണ്ട കാണാതായാല്‍ അതു കണ്ടെടുക്കും വരെ തോക്ക് ഉപയോഗിക്കാന്‍ പാടില്ലെന്നാണ് ചട്ടം. ഇക്കാര്യത്തില്‍ എന്‍സിസി ഉദ്യോഗസ്ഥര്‍ക്കു വീഴ്ച സംഭവിച്ചതായി നേരത്തേ പറയപ്പെട്ടിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha