ജനുവരിയിൽ കേരളം ലോക്ക് ഡൗണിലേക്കോ?, ഇതാ സൂചനകൾ...!, പുതു വര്ഷം പിറക്കുന്നതോടെ കൊവിഡ് വ്യാപനം വലിയതോതില് ഉയരും, സംസ്ഥാനത്ത് കൊവിഡ് വ്യാപനത്തിന് സാധ്യതയെന്ന് റിപ്പോര്ട്ടുകള്, ഓക്സിജന് ഉല്പാദനശേഷിയുള്ള ആശുപത്രികളെല്ലാം ഓക്സിജന് ഉല്പാദനവും സംഭരണവും വര്ധിപ്പിക്കുന്നുവെന്ന് ഉറപ്പ് വരുത്തണമെന്ന് മുഖ്യമന്ത്രി
പുതുവര്ഷ പിറവി ഇത്തവണയും നിയന്ത്രണങ്ങളോടെ തന്നെ ആഘോഷിച്ചില്ലെങ്കിൽ സ്ഥിതി അതീവ ഗുരുതരമാകും എന്നതിലേക്കാണ് കാര്യങ്ങളുടെ പോക്ക്. ജനുവരി മാസത്തില് കോവിഡ് ബാധിതരുടെ എണ്ണം വര്ധിച്ചേക്കുമെന്ന് മുന്നറിയിപ്പ്.
ഒമിക്രോണ് വകഭേദത്തിന് മൂന്നു മുതല് അഞ്ച് ഇരട്ടി വരെ വ്യാപന ശേഷി ഉള്ളതിനാല് സംസ്ഥാനത്ത് അതീവ ജാഗ്രത പുലര്ത്താനും നിര്ദേശം നല്കി.ജനുവരി അവസാനത്തോടെ കോവിഡ് ബാധിതരുടെ എണ്ണം വര്ധിക്കാന് സാധ്യതയുണ്ട്. കോവിഡ് അവലോകന സമിതിയാണ് മുന്നറിയിപ്പ് നല്കിയത്.
ഓക്സിജന് ഉല്പാദനശേഷിയുള്ള ആശുപത്രികളെല്ലാം ഓക്സിജന് ഉല്പാദനവും സംഭരണവും വര്ധിപ്പിക്കുന്നുവെന്ന് ജില്ലാ കലക്ടര്മാര് ഉറപ്പു വരുത്തണമെന്ന് മുഖ്യമന്ത്രി നിര്ദേശിച്ചു. മൂന്നാം തരംഗം ഉണ്ടായാല് വേണ്ടി വരുന്ന മരുന്നുകള്, കിടക്കകള്, സിറിഞ്ചുകള് ഉള്പ്പെടെയുള്ളവയെല്ലാം കൂടുതലായി ശേഖരിക്കും.
ഒമൈക്രോണ് കൂടുതലുള്ള തിരുവനന്തപുരം, എറണാകുളം ജില്ലകളില് കൂടുതല് ജനിതക ശ്രേണീകരണം നടത്താനും കലക്ടര്മാര്ക്ക് മുഖ്യമന്ത്രി നിര്ദേശം നല്കി. സംസ്ഥാനത്ത് 98% ആളുകള് ആദ്യ ഡോസും 77% രണ്ടു ഡോസും വാക്സീന് സ്വീകരിച്ചിട്ടുണ്ട്. രണ്ടാം ഡോസ് വാക്സിനേഷന് എത്രയും വേഗം പൂര്ത്തീകരിക്കാനും മുഖ്യമന്ത്രി നിര്ദേശിച്ചു.
https://www.facebook.com/Malayalivartha
