വെളളൂരിൽ വീടിന് തീ പിടിച്ചു. വെള്ളൂർ പൊന്നപ്പൻ സിറ്റിയിൽ പൂവമ്പഴയ്ക്കൽ ഷാജിയുടെ ഉടമസ്ഥതയിലുള്ള വാടക വീടിനാണ് തീ പിടിച്ചത്. അപകടത്തിൽ വീട് പൂർണ്ണമായും കത്തി നശിച്ചു. വൈകുന്നേരം 5 മണിയോടെ സമീപത്തെ പുകപ്പുരയിൽ ടാപ്പിംഗ് തൊഴിലാളി റബർ ഷീറ്റ് ഉണക്കാൻ പുകയിട്ടിരുന്നു. ഇതാകാം അപകടത്തിലേയ്ക്ക് നയിച്ചത് എന്നാണ് പ്രാഥമിക നിഗമനം.

സംഭവം നടക്കുമ്പോൾ താമസക്കാരി സൂസമ്മ ഉറക്കത്തിലായിരുന്നു. വീടിനോട് ചേർന്നുള്ള പുകപ്പുരയ്ക്കാണ് ആദ്യം തീപിടിച്ചത് ശബ്ദം കേട്ട് വീട്ടമ്മ പുറത്തേയ്ക്ക് ഓടി രക്ഷപെട്ടു. ഒച്ച കേട്ട് ഓടിക്കൂടിയ നാട്ടുകാരുടെ നേതൃത്വത്തിൽ രക്ഷാപ്രവർത്തനം നടത്തി എങ്കിലും തീ അണക്കുവാൻ കഴിഞ്ഞില്ല . ഇതോടെ പാമ്പാടി ഫയർ സ്റ്റേഷനിൽ വിവരമറിയിക്കുകയായിരുന്നു.

പാമ്പാടിയിലെ ഫയർഫോഴ്സ് ഉദ്യോഗസ്ഥരുടെ നേതൃത്വത്തിൽ തീ അണയ്ക്കാൻ ശ്രമിച്ചെങ്കിലും പൂർണമായി തീ അണയ്ക്കുവാൻ കഴിഞ്ഞില്ല. ഇതേ തുടർന്ന് കോട്ടയത്തെ ഫയർഫോഴ്സ് സംഘം കൂടി എത്തിയാണ് തീ അണച്ചത്. . രേഖകൾ പലതും നഷ്ടപെട്ടു. സി പി എം ലോക്കൽ കമ്മറ്റിയംഗവും പ്രദേശത്തെ ബ്രാഞ്ച് സെക്രട്ടറിയുമായ മധുകുമാർ രക്ഷാ പ്രവത്തനങ്ങൾക്ക് നേതൃത്വം നൽകി.