ചാലിയാര്‍ പുഴയില്‍ കാണാതായ കോളേജ് അദ്ധ്യാപകന്റെ മൃതദേഹം കണ്ടെത്തി.... രണ്ട് പേര്‍ രക്ഷപ്പെട്ടു, പിതാവിനൊപ്പം ചാലിയാറിന്റെ മൈലാടി കടവില്‍ കുളിക്കുന്നതിനിടെ ഒഴുക്കില്‍പ്പെടുകയായിരുന്നു
02 JANUARY 2022 12:34 PM IST
മലയാളി വാര്‍ത്ത
ചാലിയാര്‍ പുഴയില്‍ കാണാതായ കോളേജ് അദ്ധ്യാപകന്റെ മൃതദേഹം കണ്ടെത്തി. നിലമ്പൂര്‍ മൈലാടി അമല്‍ കോളേജിലെ കായികാദ്ധ്യാപകനും കണ്ണൂര്‍ സ്വദേശിയുമായ മുഹമ്മദ് നജീബ് (38) ആണ് മരിച്ചത്. കൂടെയുണ്ടായിരുന്ന രണ്ട് പേരെ രക്ഷപ്പെടുത്തി.
പിതാവിനൊപ്പം ചാലിയാറിന്റെ മൈലാടി കടവില്‍ കുളിക്കുന്നതിനിടെ ഒഴുക്കില്‍പ്പെടുകയായിരുന്നു. പിതാവും ഭാര്യാ സഹോദരി ഭര്‍ത്താവും ഒഴുക്കില്‍പ്പെട്ടു.
പുഴയില്‍ മീന്‍പിടിക്കുകയായിരുന്നവരാണ് ഇവരെ രക്ഷപ്പെടുത്തിയത്. നജീവിന്റെ മൃതദേഹം ഒരു മണിക്കൂറിലധികം നീണ്ട തെരച്ചിലിലൊടുവില്‍ കണ്ടെത്തുകയായിരുന്നു.
അതേസമയം, പൊന്നാനിയില്‍ കാണാതായ മൂന്ന് മത്സ്യത്തൊഴിലാളികളെ കണ്ടെത്താന്‍ തെരച്ചില്‍ തുടരുകയാണ്. പൊന്നാനി അഴീക്കല്‍ സ്വദേശികളായ കളരിക്കല്‍ ബദറു, ജമാല്‍, തമിഴ്‌നാട് സ്വദേശി ശിവ എന്നിവരെയാണ് കാണാതായത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
