കെ റെയിലിന്റെ സര്‍വേ കല്ലിളക്കിയാല്‍ പല്ലു പോകുമെന്ന കണ്ണൂര്‍ ജില്ലാ സെക്രട്ടറി എംവി ജയരാജന്റെ മുന്നറിയിപ്പിനോട് പ്രതികരിച്ച്‌ പ്രതിപക്ഷ നേതാവ് വിഡി സതീശന്‍. ആളുകളുടെ പല്ലുകൊഴിക്കലും കൈ വെട്ടലും കാലും തലയും വെട്ടലുമാണല്ലോ സിപിഎമ്മിന്റെ പ്രധാന പണി. അതിനു നേതൃത്വം കൊടുക്കുന്നയാളാണ് കണ്ണൂര്‍ ജില്ലാ സെക്രട്ടറി. അതുവച്ച്‌ ഞങ്ങളെ വിരട്ടാന്‍ വരേണ്ടെന്നും വി ഡി സതീശന്‍ പ്രതികരിച്ചു.പ്രസ്താവന ഗൗനിക്കുന്നില്ലെന്നും കടലാസ് പുലികള്‍ ബഹളമുണ്ടാക്കിയാല്‍ യുഡിഎഫ് തോറ്റു കൊടുക്കില്ലെന്നും വിഡി സതീശന്‍ വ്യക്തമാക്കി.

പ്രസ്താവന ഗൗനിക്കുന്നില്ല. ഇതുപോലുള്ള കടലാസു പുലികള്‍ ബഹളമുണ്ടാക്കിയാല്‍ അതിനു മുന്നില്‍ യുഡിഎഫ് തോറ്റുകൊടുക്കില്ല. ആളുകളുടെ പല്ലുകൊഴിക്കലും കൈ വെട്ടലും കാലും തലയും വെട്ടലുമാണല്ലോ സിപിഎമ്മിന്റെ പ്രധാന പണി. അതിനു നേതൃത്വം കൊടുക്കുന്നയാളാണ് കണ്ണൂര്‍ ജില്ലാ സെക്രട്ടറി. അതുവച്ച്‌ ഞങ്ങളെ വിരട്ടാന്‍ വരേണ്ട. ജനങ്ങളോടാണ് പ്രതിപക്ഷം സംസാരിക്കുന്നത്.

ജനങ്ങള്‍ക്കു വേണ്ടിയാണ് യു.ഡി.എഫ് സമരം. കേരളത്തിലെ മുഴുവന്‍ ജനങ്ങളുമാണ് കെ റെയിലിന് ഇരകളാകാന്‍ പോകുന്നത്. സംസ്ഥാനത്തിനുണ്ടാകുന്ന പാരിസ്ഥിതികസാമൂഹിക ആഘാതവും സാമ്ബത്തികമായുണ്ടാകുന്ന പ്രശ്നങ്ങളും കേരളത്തിന്റെ നിലനില്‍പ്പിനെ തന്നെ ചോദ്യം ചെയ്യുന്ന പ്രശ്നങ്ങളാണ്,' വിഡി സതീശന്‍ പറഞ്ഞു.