കണ്ണൂരിലെ മാടായിപ്പാറയില്‍ കെ-റെയില്‍ സര്‍വേകല്ല് പിഴുത സംഭവത്തില്‍ ചിത്രം ഫേസ്ബുക്കില്‍ പങ്കുവച്ച വ്യക്തിക്കെതിരെ പൊലീസ് കേസ്. പിഴുതുമാറ്റിയ സര്‍വേ കല്ലിന്റെ ഫോട്ടോ ഫേസ്ബുക്കില്‍ പങ്കുവച്ച യൂത്ത് കോണ്‍ഗ്രസ് മണ്ഡലം പ്രസിഡന്റ് പുത്തന്‍പുരയില്‍ രാഹുലിനെതിരെയാണ് കേസ്.

പഴയങ്ങാടി പൊലീസാണ് കേസെടുത്തത്. 'പണി തുടങ്ങി' എന്ന തലക്കെട്ടോടെയാണ് കെ-റെയില്‍ സര്‍വേ കല്ലിന്റെ ഫോട്ടോ രാഹുല്‍ തന്റെ ഫേസ്ബുക്ക് ടൈംലൈനില്‍ പങ്കുവച്ചത്. രാഹുല്‍ കലാപാഹ്വാനം നടത്തിയെന്നാണ് പരാതി.