രാഷ്ട്രപതിയുടെ ഡിലിറ്റ് വിവാദത്തെ രാഷ്ട്രീയമായി തന്നെ സംസ്ഥാന സര്ക്കാര് പ്രതിരോധിക്കാന് തീരുമാനിച്ചതോടെയാണ് വിവാദം ചക്കിന് വച്ചത് കൊക്കിന് കൊണ്ടതു പോലെയാവുന്നു.... ഒടുവില് കേരള ഗവര്ണര് ആരിഫ് മുഹമ്മദ് ഖാന് ഗവര്ണര് കസേരയില് നിന്നും തെറിക്കുമോ?
ഒടുവില് കേരള ഗവര്ണര് ആരിഫ് മുഹമ്മദ് ഖാന് ഗവര്ണര് കസേരയില് നിന്നും തെറിക്കുമോ?കേരളം കാത്തിരിക്കുന്ന ചോദ്യത്തിനുള്ള ഉത്തരം അധികം വൈകാതെ ലഭിച്ചേക്കാം.
രാഷ്ട്രപതിയുടെ ഡിലിറ്റ് വിവാദത്തെ രാഷ്ട്രീയമായി തന്നെ സംസ്ഥാന സര്ക്കാര് പ്രതിരോധിക്കാന് തീരുമാനിച്ചതോടെയാണ് വിവാദം ചക്കിന് വച്ചത് കൊക്കിന്കൊണ്ടതു പോലെയാവുന്നത്.
വിവാദത്തില് വിസിയുടെ ഗവര്ണര്ക്കുള്ള കത്ത് പുറത്തായതോടെയാണിത്. വിഷയത്തില് രാജ്ഭവന്റെ വിശ്വാസ്യത ചോദ്യംചെയ്ത് സിപിഎം രംഗത്തെത്തി. ഗവര്ണറുടെ രാഷ്ട്രീയ ലക്ഷ്യങ്ങള് പുറത്തായെന്നാണ് സിപിഎം നിലപാട്. അതായത് വസ്തുതകള് ചോര്ത്തുന്നയാളായി ഗവര്ണറെ സി പി എം മാറ്റി.
രാഷ്ട്രപതിക്ക് ഡി ലിറ്റ് നല്കുന്നതിനെ സിപിഎം എതിര്ത്തിരുന്നു. രാഷ്ട്രീയ പശ്ചാത്തലത്തില് രാഷ്ട്രപതിയായ രാം നാഥ് കോവിന്ദിന് ഡി ലിറ്റ് നല്കേണ്ടതില്ലെന്നായിരുന്നു സിപിഎം നേതൃത്വം സിന്ഡിക്കേറ്റിലെ പാര്ട്ടി പ്രതിനിധികളെ അറിയിച്ചത്. ഇതിനു പിന്നാലെയാണ് വിസി ഗവര്ണറെ നേരില്ക്കണ്ട് കത്ത് നല്കിയത്. ആ കത്ത് വി സി യും ഗവര്ണറും മാത്രമാണ് കണ്ടിട്ടുള്ളത്.
ഡിലിറ്റ് വിവാദത്തില് വിസി ഡോ മഹാദവന് പിള്ള ചാന്സലര്ക്ക് നല്കിയ കത്ത് പുറത്താകും വരെയും, പോര് ഗവര്ണറും പ്രതിപക്ഷ നേതാവും തമ്മിലായിരുന്നു. വെറും കാഴ്ചക്കാരുടെ റോളിലായിരുന്നു സര്ക്കാര്. പ്രതികരണം നല്കാതെ സര്ക്കാര് മാറിനിന്നപ്പോഴും ഡിലിറ്റ് നല്കാന് ആവശ്യപ്പെട്ടിരുന്നോയെന്ന് ഗവര്ണര് തന്നെ വ്യക്തമാക്കണമെന്നായിരുന്നു സിപിഎം സംസ്ഥാന സെക്രട്ടറി കോടിയേരി പ്രതികരിച്ചത്.
വിസി ഗവര്ണര്ക്ക് നല്കിയ മറുപടി കത്ത് പുറത്തായതിന് പിന്നാലെ വിവാദത്തിന് ചെ ന്നിത്തല തിരികൊളുത്തി. ഗവര്ണര് തന്റെ ഓഫീസിലുള്ള രഹസ്യരേഖകള് ചെന്നിത്തലക്ക് നല്കിയെന്ന ആരോപണമാണ് സി പി എം ഉന്നയിക്കുന്നത്.
കത്ത് പുറത്തുവന്നതോടെ ഒഴിഞ്ഞ് മാറിയ സര്ക്കാരും തെളിവ് ആവശ്യപ്പെട്ട സിപിഎമ്മും മറുപടി പറയേണ്ട സ്ഥിതിയിലുമായി. സിന്ഡിക്കേറ്റ് ചേര്ന്ന് ഔദ്യോഗികമായി തീരുമാനമെടുക്കാതെ വിസി ഗവര്ണര്ക്ക് മറുപടി നല്കിയത് വിവാദങ്ങള് ഒഴിവാക്കാനാണ്. തന്ത്രം മനസിലാക്കിയ ഗവര്ണര് ആരിഫ് മുഹമ്മദ് ഖാന് വിസിയില് നിന്നും മറുപടി എഴുതി വാങ്ങി. ഒടുവില് പഴി വിസിക്കാണെങ്കിലും കത്തിലെ ഉള്ളടകത്തില് സിന്ഡിക്കേറ്റ് അംഗങ്ങളുടെ വിയോജിപ്പ് പരാമര്ശിക്കുന്നു. എഴുതി നല്കിയ മറുപടിയില് വിസിക്ക് ഗവര്ണറെ തെറ്റിദ്ധരിപ്പിക്കാനാകില്ലെന്നിരിക്കെ സിന്ഡിക്കേറ്റ് വിയോജിപ്പില് രാഷ്ട്രീയ സ്വാധീനമുണ്ടായിരുന്നുവെന്നും വ്യക്തം. എന്നാല് സിന്റിക്കേറ്റില് ഇക്കാര്യം ചര്ച്ചയായിട്ടില്ല.
ഗവര്ണര് വിസിയോട് ആവശ്യപ്പെട്ട കാര്യം വൈസ് ചാന്സലര് മഹാദേവന്പിള്ള സിന്ഡിക്കേറ്റിലെ പ്രധാനികളുമായാണ് ചര്ച്ച ചെയ്തത്. ഇക്കാര്യം എകെജി സെന്ററില് സിന്ഡിക്കേറ്റിലെ സിപിഎം പ്രതിനിധികള് അറിയിക്കുകയും ബിജെപി ആര്എസ്എസ് പശ്ചാത്തലം ഒന്നുകൊണ്ടു മാത്രം രാഷ്ട്രപതിയായ രാംനാഥ് കോവിന്ദിന് ഡിലിറ്റ് നല്കേണ്ടതില്ല എന്നുമായിരുന്നു മറുപടി. ഇതാണ് സിന്ഡിക്കേറ്റ് അംഗങ്ങള് വിസിയെ അറിയിച്ചത്. ഉന്നത വിദ്യാഭ്യാസ വകുപ്പ് അഡീഷണല് ചീഫ് സെക്രട്ടറിയും സിന്ഡിക്കേറ്റിന്റെ ഭാഗമെന്നിരിക്കെ സര്ക്കാര് അറിഞ്ഞില്ലെന്ന വാദവും വിലപോകില്ല. ഇതില് മുഖ്യമന്ത്രിയോ ഉന്നത വിദ്യാഭ്യാസ മന്ത്രിയോ പ്രതികരിക്കുമോ എന്നതാണ് പ്രധാനം. കത്ത് പുറത്തായതില് രാജ്ഭവന്റെ വിശ്വാസ്യത ചോദ്യം ചെയ്യുകയാണ് സിപിഎം. കത്ത് പുറത്തായതോടെ ഗവര്ണറുടെ രാഷ്ട്രീയ ലക്ഷ്യങ്ങള് ശക്തമായി ഉയര്ത്തിക്കാട്ടാനാണ് സിപിഎം തീരുമാനം.
രാഷ്ട്രപതിയെ അപകീര്ത്തിപെടുത്താന് ഗവര്ണര് ശ്രമിക്കുന്നു എന്ന ഗുരുതര ആരോപണമാണ് സി പി എം ഉന്നയിക്കുന്നത്. ഇത് തീര്ത്തും തെറ്റാണെന്ന് പറയാന് കഴിയില്ല. രാഷ്ട്രപതിയെ അപമാനിക്കാനുള്ള ശ്രമങ്ങള് കണ്ടാല് രാജ്യം വെറുതെയിരിക്കുമെന്ന് കരുതാന് വയ്യ.
"
https://www.facebook.com/Malayalivartha
