‘അമ്മ പാവമാണ്. ഒന്നും ചെയ്യല്ലേ…' അനിയത്തിയെ കൂട്ടി അമ്മ എത്തിയപ്പോൾ അവൻ സന്തോഷവാനായിരുന്നു, അത് സങ്കടത്തിലേക്ക് മാറാൻ അധികം സമയം വേണ്ടി വന്നില്ല! കുഞ്ഞിനെ കടത്താൻ ശ്രമിച്ച നീതു ആശുപത്രിയിൽ എത്തിയത് മകനുമായി, കാര്യങ്ങൾ മാറിമറിഞ്ഞപ്പോൾ പൊട്ടിക്കരഞ്ഞ് ഒന്നുമറിയാത്ത ആ ബാലൻ, സ്റ്റേഷനിൽ എത്തിയ നീതുവിന്റെ മകൻ പോലീസിനോട് അമ്മയ്ക്കായി കേണപേക്ഷിച്ചു....
മെഡിക്കല് കോളേജില് നിന്നും നവജാത ശിശുവിനെ തട്ടിയെടുത്ത സംഭവത്തില് കൂടുതല് വിവരങ്ങള് പുറത്ത് വരുകയാണ്. കാമുകനെ ഭീഷണിപ്പെടുത്താൻ വേണ്ടി കോട്ടയം മെഡിക്കൽ കോളേജിൽ നിന്നും കുഞ്ഞിനെ തട്ടോയെടുക്കാൻ എത്തിയ നീതുവിനൊപ്പം എട്ടുവയസുകാരൻ മകനുമുണ്ടായിരുന്നു. ഒന്നുമറിയാത്ത കുഞ്ഞ് സാക്ഷിയായത് മറ്റ് നാടകീയ സംഭവങ്ങൾക്കാണ്.
‘അമ്മ പാവമാണ്. ഒന്നും ചെയ്യല്ലേ…' പോലീസിനെ കണ്ടപാടെ നിലവിളിക്കുകയായിരുന്നു ആ എട്ടുവയസ്സുകാരന്. അമ്മ ചെയ്ത കുറ്റകൃത്യം പോലും മനസ്സിലാക്കാന് ആവാത്ത കുഞ്ഞ്, അമ്മ പറഞ്ഞത് അനുസരിക്കുക മാത്രമേ ചെയ്തിരുന്നുള്ളു. എന്നിട്ടും ആ പിഞ്ച് മനസ് ഏറെ വേദനിച്ചു. ‘ആശുപത്രിയില് പോയി വാവയെ വാങ്ങിക്കൊണ്ടുവരാം’ എന്ന് കുഞ്ഞുങ്ങളോട് പറയുന്ന തമാശ അവനോടും ചിലപ്പോള് നീതു പറഞ്ഞിട്ടുണ്ടാകണം.
സംസ്ഥാനത്തെ ആകെ ഞെട്ടലിലാഴ്ത്തി കോട്ടയം മെഡിക്കല് കോളേജ് ആശുപത്രിയില് നിന്ന് രണ്ട് ദിവസം പ്രായമുള്ള പെണ്കുഞ്ഞിനെ തട്ടിക്കൊണ്ട് പോയതിനെച്ചൊല്ലിയുള്ള ബഹളത്തില് പകച്ച് പോയത് പ്രതി നീതുരാജിന്റെ മകനാണ്. എന്താണ് അവിടെ നടക്കുന്നതെന്നറിയാതെ വലയുകയായിരുന്നു. അമ്മയെ അനുസരിച്ച അവന് ഈ സംഭവത്തെത്തുടര്ന്ന് ഏറെ വേദന അനുഭവിക്കേണ്ടി വരുകയായിരുന്നു.
അതേസമയം,അമ്മയോടൊപ്പം നാലാംതീയതി അവനും യാത്ര തിരിക്കുകയായിരുന്നു. കോട്ടയത്ത് മെഡിക്കല് കോളേജിനടുത്ത് ഹോട്ടലില് മുറിയെടുത്തതും ആ ദിവസങ്ങളില് ആശുപത്രിയിലേക്കും സമീപ സ്ഥലങ്ങളിലേക്കുമുള്ള യാത്രയും ഹോട്ടല് ഭക്ഷണവുമെല്ലാം ബാലന് ഏറെ ആസ്വദിച്ചു.
സംഭവ ദിവസവും അമ്മയോടൊപ്പം ഉണ്ടായിരുന്നു. അമ്മയുടെ നിര്ദേശം അനുസരിച്ച് പ്രസവവിഭാഗത്തിന് മുന്നില് കാത്തുനിൽക്കുകയായിരുന്നു. തിരികെ വന്ന അമ്മയുടെ കൈയില് ഒരു തുണിപ്പൊതിയുണ്ടായിരുന്നു. അത് അവന്റെ അനുജത്തിയാണെന്ന് അമ്മ പറഞ്ഞുകാണും. അതിനാലാണ് സിസിടിവി ദൃശ്യങ്ങളിലും പോലീസ് മുറിയിലെത്തിയപ്പോഴും ഈ ബാലന് സന്തോഷവാനായിരുന്നത്.
എന്നാൽ നിമിഷനേരങ്ങൾക്കുള്ളിൽ കാര്യങ്ങള് മാറിമറിയുകയായിരുന്നു. പോലീസ് മുറിയിലെത്തുന്നതും അമ്മയോട് ദേഷ്യത്തില് സംസാരിക്കുന്നതും അവന് കാണുകയുണ്ടായി. ഇതിനിടയില് കുട്ടി കരഞ്ഞുപറഞ്ഞു. പിന്നെ പോലീസ് ജീപ്പില് സ്റ്റേഷനിലേക്ക് പോകുകയായിരുന്നു. ഒപ്പം എത്തിയ അമ്മയെ പോലീസുകാര് കൊണ്ടുപോയതോടെ കുട്ടി കരയാന് തുടങ്ങി. കാരണം അമ്മ മാത്രമേ അവനൊപ്പമുണ്ടായിരുന്നുള്ളൂ.
ഇതിനുപിന്നാലെ വനിതാ പോലീസുകാര് അവനെ ആശ്വസിപ്പിച്ച് ശിശുസൗഹൃദ മുറിയിലേക്ക് മാറ്റി. എങ്കിലും കുട്ടിക്ക് ഏറെ സങ്കടമായിരുന്നു. ഇടയ്ക്ക് ഒരു തവണ അഞ്ചുമിനിറ്റ് അവന് അമ്മയെ കണ്ടു. വീണ്ടും മുറിയിലേക്ക് കൊണ്ടുപോയി. സങ്കടവും പേടിയും തോന്നിയ മണിക്കൂറുകള് കഴിഞ്ഞപ്പോള് രാത്രി വൈകി നീതുവിന്റെ ബന്ധുക്കളെത്തി അവനെ ഏറ്റുവാങ്ങുകയായിരുന്നു. അമ്മ എവിടെയെന്നറിയാതെ അവന് ബന്ധുക്കള്ക്കൊപ്പം മടങ്ങി.
https://www.facebook.com/Malayalivartha
